Tuesday, February 10, 2015

എ.എ.പിയ്ക്ക് ഒരു റെഡ് സല്യൂട്ട്

എ.എ.പിയ്ക്ക് ഒരു റെഡ് സല്യൂട്ട്! അരവിന്ദ് കെജരിവാളിന് ഒരു കിസ്സ് ഓഫ് ലവ്! ഇത് പ്രത്യാശയുടെ നിമിഷങ്ങൾ. എല്ലാം അവസാനിച്ചുവെന്നാണ് കരുതിയിരുന്നത്. മതേതര കക്ഷികൾക്ക് നഷ്ടപ്പെട്ട ആത്മവിശ്വാസം വീണ്ടെടുത്ത് രാജ്യം നേരിടുന്ന അപകടാവസ്ഥകളെ അതിജീവിക്കാൻ കേവലവും വ്യക്തിഗതവുമായ അധികാരക്കൊതികൾ മാറ്റിവച്ച് ഒത്തൊരുമിച്ച് പ്രവർത്തിക്കാൻ ഡൽഹിയിലെ ഈ തെരഞ്ഞെടുപ്പു ഫലം പ്രചോദനമാകുമെങ്കിൽ ഇതൊരു മഹാവിജയമാകും. ഇല്ലെങ്കിൽ അനഭിമതമായ പല തുടർച്ചകളും ഇനിയും ചരിത്രത്തിന്റെ ഭാഗമാകും. അക്രമത്തിന്റെയോ ഫാസിസത്തിന്റെയോ മാർഗ്ഗമില്ലാതെ തന്നെ ജനാധിപത്യത്തിൽ വലിയ വിജയങ്ങൾ നേടാമെന്നു കൂടി ഡൽഹിയിലെ ആം ആത്മി പാർട്ടിയുടെ വിജയം സൂചന നൽകുന്നു.

2 comments:

വീകെ said...

ഇന്ത്യൻ ജനതയെ വിശ്വസിക്കാം..
അവർ വേണ്ട സമയത്ത് പ്രതികരിക്കും.
അതോടൊപ്പം പുതിയ പരീക്ഷണങ്ങൾക്കും കൂട്ടു നിൽക്കും...

Muralee Mukundan , ബിലാത്തിപട്ടണം said...

ഇന്ന് മുതലാളിത്ത വ്യവസ്ഥിതികൾ ,
കമ്മ്യൂണിസ്റ്റ് രാജ്യങ്ങളിലടക്കം കൊടി കുത്തി
വാഴുന്ന ഈ കാലഘട്ടത്തിൽ യൂറോപ്പിലൊക്കെ
ഉടലെടുത്തപോലെയുള്ള , ഒരു ഡെമോക്രാറ്റിക്-സോഷ്യലിസ്റ്റ്-സെക്യുലർ
പാർട്ടിക്ക് ഇന്ത്യയിൽ വളരെയധികം സ്പേസുണ്ട്... ( ഉദാഹരണം : ബ്രിട്ടനിലുള്ള
‘ലേബർ പാർട്ടി ) അതായിരിക്കണം ഇടതുപാർട്ടികൾ ഇനി ലക്ഷ്യം വെയ്ക്കേണ്ടത്...
ആദ്യം ചെയ്യേണ്ടത്, ഇന്ത്യൻ ഡെമോക്രാറ്റിക്- സോഷ്യലിസ്റ്റ്-സെക്യുലർ പാർട്ടിക്ക് രൂപം
നൽകുകയാണ്...
കമ്യൂണിസവും മാർക്സിസവും
അലമാരയിൽ ഒരു റഫറൻസായി ഇരിക്കട്ടെ...
പുതിയകാലത്ത് പുതിയ തന്ത്രങ്ങൾ... ലെനിനിസവും
സ്റ്റാലിനിസവും സാധാരണ ജനത്തിന് മനസിലാകാത്ത
പ്രത്യേയ‌ശാസ്ത്ര അധരവ്യായാമവും വഴി ജനാധിപത്യ ഇന്ത്യയിൽ
വിപ്ലവം ഒന്നും കൊണ്ടുവരാനാകില്ല !...