വിശ്വമാനവികം

ആദ്യം മനുഷ്യനാവുക; എന്നിട്ടാകാം ഹിന്ദുവും, മുസ്ലീമും, ക്രിസ്ത്യാനിയും, യുക്തിവാദിയും, കോൺഗ്രസ്സും, കമ്മ്യൂണിസ്റ്റും

Friday, January 11, 2013

ബ്ലോഗ്ഗർ ഞാൻ പുണ്യവാളൻ അന്തരിച്ചു

ബ്ലോഗ്ഗർ ഞാൻ പുണ്യവാളൻ അന്തരിച്ചു
 
ഞാൻ ഈ മരണവാർത്ത അല്പം മുമ്പാണ് ഹാഷിമിന്റെ മെയിൽ വഴി അറിയുന്നത്. വിശ്വസിക്കാൻ കഴിയുന്നില്ല. 9-1-2013 ബുധനാഴ്ച രാത്രിയാണ് ഹൃദയസംബന്ധമായ അസുഖം അദ്ദേഹം മരണമടഞ്ഞത്. "ഞാൻ പുണ്യവാളൻ" എന്ന ബ്ലോഗ്ഗർനാമം സ്വീകരിച്ചിരുന്ന ഷിനും (മധു) തിരുവനന്തപുരം സ്വദേശിയാണ് . മികച്ച രചനാ ശൈലിയുടെ ഉടമയായിരുന്ന ഷിനു സജീവ ബ്ലോഗ്ഗറായിരുന്നു. ആനുകാലിക സംഭവങ്ങളോട് മികച്ച പ്രതികരണങ്ങൾ എഴുതിയിരുന്നു. ഞാൻ പുണ്യവാളൻ എന്ന ബ്ലോഗ്ഗർനാമത്തിൽ നാല് ബ്ലോഗുകൾ സ്വന്തമായി ചെയ്തിരുന്നു. എന്റെ ബ്ലോഗുകളിലെ  നിത്യസന്ദർശകനായിരുന്നു. ചാറ്റിലൂടെ നമ്മൾ മിക്കപ്പോഴും സൗഹൃദപ്പെട്ടിരുന്നു. എന്തെങ്കിലും രോഗവിവരം ഉള്ളതായി എന്നോട് പറഞ്ഞിരുന്നില്ല. സിവിൽ എഞ്ചിനീയറായി ജോലി ചെയ്യുന്നുവെന്നാണ് മനസിലാക്കിയിട്ടുള്ളത്. പാതിവഴിയിലായ പഠനം തുടരണമെന്ന് കഴിഞ്ഞവർഷം എന്നോട് പറയുകയും അതിനുള്ള മാർഗ്ഗങ്ങൾ ഞാൻ പറഞ്ഞുകൊടുക്കുകയും ചെയ്തിരുന്നു. പിന്നെ അതെന്തായി എന്നറിയില്ല.  കുറച്ചുനാളായി എന്റെ ചാറ്റിൽ കാണാറില്ലായിരുന്നു. ഏതായാലും നല്ല ഭാവിയുള്ള ഒരു എഴുത്തുകാരനായിരുന്നു. ഷിനുവിന്റെ  മരണം ബൂലോകത്തിന് ഒരു തീരാനഷ്ടമാണ്. ഇത്ര ചെറുപ്പത്തിലേ ആ ജീവൻ മരണം എടുത്തുകളഞ്ഞല്ലോ.  അനിയാ, നമുക്കുതമ്മിൽ നേരിൽ ഒന്നു കാണാൻ ഒരിക്കലും കഴിയാതെ പോയല്ലോ. ഇനി ഈ  യാഥാർത്ഥ്യത്തോട് പൊരുത്തപ്പെടണമല്ലോ എന്നോർക്കുമ്പോൾ മനസ്സ് വല്ലാതെ  പിടയുന്നു. ആദരാഞ്‌ജലികൾ  അർപ്പിക്കുകയല്ലാതെ എന്താണ് മാർഗ്ഗമുള്ളത്! എന്റെ പ്രിയ മധുവിന്  ആദരാഞ്ജലികൾ
ബ്ലോഗ്‌ലിങ്ക്:  
 ഞാൻ പുണ്യവാളൻ

8 comments:

mini//മിനി said...

അപ്രതീക്ഷിതമായി നമുക്കിടയിൽ നിന്ന് കടന്നുപോയ സുഹൃത്തിന് ആദരാഞ്ജലികൾ

tutunaren@gmail.com said...

Aadaranjalikal.....

benji nellikala said...

ഞാന്‍ രണ്ടു ദിവസമായി നിലമ്പൂരില്‍ ആയിരുന്നു. ഇന്നു വെളുപ്പിന് തിരിച്ചെത്തിയപ്പോഴാണ് പ്രിയപ്പെട്ട കൂട്ടുകാരന്റെ മരണവാര്‍ത്തയറിഞ്ഞത്. പുണ്യാളന്‍ എന്നും മനസ്സില്‍ പുണ്യാളനായിത്തന്നെ നിലനില്‍ക്കും... ആദരാഞ്ജലികള്‍... ഉറ്റവര്‍ക്കായി പ്രാര്‍ത്ഥിക്കുന്നു...

ജയിംസ് സണ്ണി പാറ്റൂര്‍ said...

ആദരാജ്ഞലികൾ

T.U.ASOKAN said...


ആദരാഞ്ജലികൾ............

ബിലാത്തിപട്ടണം Muralee Mukundan said...

പുണ്യാളന്റെ ആത്മാവിന് പുണ്യം കിട്ടട്ടേ...
ആദരാഞ്ജലികൾ ...

pravaahiny said...

എന്താണ്‍ പറയേണ്ടത് എന്നറിയില്ല. പുണ്യന്‍റെ മരണം എനിയ്ക്ക് ഇപ്പോഴും ഉള്‍ക്കൊള്ളാന്‍ കഴിഞ്ഞിട്ടില്ല.

sangeetha said...

aadaraanjalikal...