Tuesday, August 16, 2011

ജപ്തി ഭീഷണിയിൽ ഒരു ബ്ലോഗ്ഗർ സുഹൃത്ത്


ചെറിയൊരു ജപ്തി ഭീഷണിയിൽ ഒരു ബ്ലോഗ്ഗർ സുഹൃത്ത്


മുൻകുറിപ്പ്: നമ്മൾ ആരെക്കുറിച്ചെല്ലാം, എന്തിനെക്കുറിച്ചെല്ലാം ഓരോരോ പോസ്റ്റുകൾ എഴുതുന്നു; പ്രപഞ്ചത്തിന്റെ കീഴിലുള്ള കൊക്കിലൊതുങ്ങുന്നതും ഒതുങ്ങാത്തതുമായ എന്തെല്ലാം വിഷയങ്ങൾ! അതിനിടയിൽ നമുക്ക് വളരെ അടുപ്പമുള്ള വേണ്ടപ്പെട്ട ഒരാളുടെ പച്ചയായ സ്വന്തം ജീവിതാനുഭവം- പ്രതിസന്ധിയുടെയും നിസഹായാ‍വസ്ഥയുടെയും ഒരു ജീവിതാവസ്ഥ- നമുക്ക് മുന്നിൽ തുറന്നു വയ്ക്കുമ്പോൾ അതും ഒരു പോസ്റ്റ് ആക്കുന്നതിൽ തെറ്റൊന്നുമില്ലല്ലോ! അതും നമ്മെ പോലെ ഒരു ബ്ലോഗ്ഗറുടെ! അതെ, ഒരു ബ്ലോഗ്ഗറുടെ അത്തരം ഒരു ജീവിതാനുഭവമാണ് ഈ ബ്ലോഗ് പോസ്റ്റിന്റെ വിഷയം. ഒരു ബ്ലോഗ്ഗർക്ക് മാത്രമല്ല, ഏതൊരു സാധാരണ മനുഷ്യന്റെയും ജീവിതത്തിൽ സംഭവിക്കാവുന്ന ഒരു കാര്യം തന്നെയാണ് ഇത് എന്നതുകൊണ്ട് കൂടി തന്നെയാണ് ഇപ്പോൾ ഇങ്ങനെയൊരു പോസ്റ്റ് ഇടുന്നത്.

ഇനി വിഷയത്തിലേയ്ക്ക്

നമുക്കിടയിൽ ചിലരുണ്ട്. കളിയും ചിരിയുമായി അവർ നമുക്കൊപ്പം ഉണ്ടാകും. നർമ്മോക്തിയിൽ സംസാരിക്കുകയും പെരുമാരുകയും ചെയ്യും. അവരുടെ സന്തോഷങ്ങളിൽ നമ്മളും പങ്കു ചേരും. അവരുടെ ബാഹ്യമായ ഈ സന്തോഷപ്രകടനങ്ങൾ അവരുടെ പിരിമുറുക്കമില്ലാത്ത മനസിന്റെ പ്രതിഫലനങ്ങൾ ആണെന്നു നാം കരുതും. അവരുടെ ഈ സന്തോഷത്തിന് ഒരു മറുപുറം ഉണ്ടോ എന്ന് നാം അന്വേഷിക്കുകയോ അവർ അത് നമ്മോട് പറയുകയോ ചെയ്യാത്തിടത്തോളം നമ്മൾ അങ്ങനെ തന്നെ ധരിക്കും. അവരുടെ വ്യക്തി ജീവിതവും കുടുംബ ജീവിതവും പ്രശ്നങ്ങളും പ്രാരബ്ധങ്ങളും ഒന്നുമില്ലാതെ മുന്നോട്ട് നീങ്ങുന്നുവെന്ന അറിവ് അവരുടെ അഭ്യുദയകാംക്ഷികളായ നമ്മളിലും ഒരു സമാധാനവും സന്തോഷവും ഉണ്ടാക്കും. ഇനി അഥവാ അവർക്ക് അവരുടെ ജീവിതത്തിൽ നമ്മളറിയാത്തതായി സംഭവിച്ചുകൊണ്ടിരിക്കുന്ന എന്തെങ്കിലും പ്രയാസങ്ങൾ ഉണ്ടെങ്കിൽ ഒരു വേള അത് അവരുടെ സ്ഥിരം ശൈലിയിൽ നമ്മോട് പറഞ്ഞാലും നാം അത്ര കാര്യമായി എടുത്തെന്നിരിക്കില്ല.കാരണം സ്വന്തം ജീവിത ദുരന്തങ്ങളെ പോലും അവർ അവതരിപ്പിക്കുന്നത് നർമ്മഭാവത്തിലും ലാഘവത്തിലും ആയിരിക്കും. നമുക്ക് ചിരിച്ചു തള്ളാനുള്ള ഒരു നിർദ്ദോഷ ഫലിതം എന്നതിനപ്പുറം അതിനൊരു ശ്രദ്ധ നമ്മൾ കൊടുത്തെന്നിരിക്കില്ല.

ഈ പറഞ്ഞവിധം ഒരാളെ ബൂലോകത്ത് എനിക്ക് കാണാൻ കഴിഞ്ഞു എന്നതാണ് ഈ കുറിപ്പെഴുതാനുള്ള പ്രേരണ. ആളിന്റെ ഊരോ പേരോ മറ്റ് പ്രൊഫൈൽ വിവരങ്ങളോ ഞാൻ വെളിപ്പെടുത്തുന്നില്ല. ഒരു പക്ഷെ അദ്ദേഹം അതിഷ്ടപ്പെടുമോ ഇല്ലയോ എന്ന് എനിക്കറിയാത്തതുകൊണ്ടു തന്നെ! ബൂലോകത്ത് നിന്നും എന്റെ പരിചിത ലോകത്തേയ്ക്ക് വന്നവരിൽ ഈ ഒരാളെക്കുറിച്ചുള്ള എന്റെ മുൻധാരണകൾ എനിക്ക് തിരുത്തേണ്ടി വന്നിരിക്കുന്നു. ഞാൻ ആദ്യമായി പങ്കെടുത്ത ഒരു ബ്ലോഗ് മീറ്റിൽ വച്ചാണ് ഈ പറയുന്ന ബ്ലോഗ്ഗറെ ഞാൻ അദ്യമായി നേരിൽ കാണുന്നത്.

മലബാറിലൊരിടത്ത് ഒരു സ്വയം തൊഴിലുമായി സകുടുംബം കഴിയുകയാണെന്നാണ് ആദ്യം അദ്ദേഹം തന്ന അറിവ്. അല്പം കൂടി സംസാരിച്ചപ്പോഴാന് അദ്ദേഹം കൊല്ലം ജില്ലയിൽ എന്റെ നാടുമായി വലിയ ദൂരമില്ലാത്ത ഒരിടത്തു നിന്നും മലബാറിലേക്ക് കുടിയേറിയതാണെന്ന് മനസിലായത്.ഞാൻ തിരുവനന്തപുരം ജില്ലക്കാരനാണെങ്കിലും അദ്ദേഹത്തിന്റെ ജന്മസ്ഥലവുമായി നമുക്ക് അര മണിക്കൂറിന്റെ സമയ ദൂരമേ ഉള്ളൂ. വിവാഹാനന്തരം ഏതോ സുഹൃത്തുക്കൾ മുഖാന്തരം അദ്ദേഹം മലബാറിൽ എത്തുകയും ഭാര്യയും കുട്ടികളുമായി അവിടെ സ്ഥിരതാമസമാക്കുകയുമായിയിരുന്നു. നാടു വിട്ട് കൂടുവച്ച് സംതൃപ്തമായ കുടുംബ ജീവിതം നടത്തിവരുന്ന ഒരു സാധാരണക്കാരൻ എന്ന അറിവുമായി അദ്ദേഹവുമായുള്ള എന്റെ ബന്ധം ബ്ലോഗിലൂടെയും ടെലഫോൺ വിളികളിലൂടെയും തുടർന്നുകൊണ്ടിരുന്നു. അതിനുശേഷം ചെറുതും വലുതുമായ പല ബ്ലോഗ് മീറ്റുകളിൽ വച്ചും ഞാൻ അദ്ദേഹത്തെ നേരിൽ കണ്ടുകൊണ്ടിരുന്നു.

അങ്ങനെ ഏതോ ഒരു മീറ്റിൽ വച്ച് മലബാർ വിട്ട് വീണ്ടും കുടുംബസമേതം കൊല്ലത്തേക്ക് താമസം മാറാൻ പോകുന്നു എന്നൊരു സൂചന നൽകിയിരുന്നു. നാടു മാറിയുള്ള ജീവിതം മതിയാക്കി ഇനി സ്വന്തം ജന്മദേശത്തേക്ക് വരുന്നു എന്നതിനപ്പുറം ഒരു പ്രാധാന്യം ഞാനതിനു നൽകിയിരുന്നില്ല. മാത്രവുമല്ല നമ്മുടെ നാട്ടിലേയ്ക്കുള്ള അദ്ദേഹത്തിന്റെ മടങ്ങിവരവിനെ ഞാൻ സന്തോഷ പൂർവ്വം സ്വാഗതം ചെയ്യുകയും ചെയ്തു. അവസാനമായി ഞാൻ കണ്ട മീറ്റിലും മലബാറിൽ നിന്നും തിരുവിതാംകൂറിലേയ്ക്ക് വീണ്ടും കൂടുമാറാൻ പോകുന്നതിനെക്കുറിച്ച് എല്ലാവരോടും സൂചിപ്പിച്ചിരുന്നു.സ്ഥിരം നർമ്മഭാവത്തോടെയും ലാഘവത്തോടെയും തന്നെ അതു പറഞ്ഞത്. ഉള്ള പുരയിടം എസ്.ബി.റ്റിക്കാർ ജപ്തി ചെയ്യാൻ സമയമായി വരുന്നു എന്നും തമാശയായി പറഞ്ഞിരുന്നു. ബാങ്ക് വായ്പകളും പലിശ കടങ്ങളും ഒക്കെ ഒരു സാധാരണക്കാരന്റെ ജീവിതത്തിൽ അസാധാരണ സംഭവങ്ങളൊന്നും അല്ലാത്തതുകൊണ്ട് അതും ലാഘവത്തിൽ തന്നെ ഞാനും എടുത്തത്.എന്നോട് മാത്രമായാണ് പറഞ്ഞിരുന്നതെങ്കില്പോലും അത് അമ്മിക്കല്ല് ഉരളിലോട് വന്ന് പരാതി പറയുന്നതുപോലെയേ എനിക്ക് തോന്നുകയുമുള്ളൂ. കാരണം ഇക്കാര്യത്തിൽ എനിക്ക് അദ്ദേഹത്തേക്കാൾ നല്ല എക്സ്പീരിയൻസ് ഉള്ളതാണല്ലോ!

എന്തായാലും സ്വദേശത്തേയ്ക്ക് മടങ്ങിവരാനുള്ള അദ്ദേഹത്തിന്റെ തീരുമാനത്തിൽ അപ്പോഴും എനിക്ക് സന്തോഷമായിരുന്നു. നാടുവിട്ട് ബ്ലോഗ്ഗറായി പ്രശസ്തനായ ഒരാൾ നമ്മുടെ നാട്ടിലേയ്ക്ക് മടങ്ങി വരുന്നതിൽ സന്തോഷം തോന്നുന്നതിൽ അസ്വാഭാവികതയൊന്നും ഇല്ലല്ലോ! എന്നാൽ പിന്നീട് ഒരു ദിവസം അദ്ദേഹം ഒരു ദിവസത്തെ സന്ദർശനത്തിനു കൊല്ലത്ത് തന്റെ കുടുംബനാട്ടിൽ വന്ന് എന്നെ ഫോൺ വിളിച്ചു. നേരിൽ കാണാൻ കഴിയുമോ എന്നു തിരക്കി. ഞാനാകട്ടെ ഒരു ബന്ധുവിന്റെ മരണത്തിനു പോകാനിറങ്ങുകയായിരുന്നു. അത് കഴിഞ്ഞ് ഉച്ചയ്ക്ക്ശേഷം മറ്റൊരു മീറ്റിംഗിൽ പോകാനുമുണ്ട്. അതിനാൽ അന്ന് പിന്നെ കാണാൻ കഴിയില്ലെന്ന് പറഞ്ഞു. ഫോണിലൂടെ നമ്മൾ കുറെ നേരം സംസാരിച്ചു. ഈ സംസാരത്തിനിടയിലാണ് സത്യത്തിൽ ഈ ബ്ലോഗ്ഗറുടെ യഥാർത്ഥ ജീവിതം എനിക്കു മുന്നിൽ തുറക്കപ്പെട്ടത്. അതെല്ലാം ഇവിടെ എഴുതി പിടിപ്പിക്കുവാൻ തൽക്കാലം ഉദ്ദേശിക്കുന്നില്ല. എങ്കിലും അതിന്റെ ചുരുക്കം ഇതാണ്.

കൊല്ലം ജില്ലയിലെ പ്രാരാബ്ദ്ധങ്ങൾ നിറഞ്ഞ ഒരു കുടുംബാംഗമായിരുന്നു ഞാൻ സൂചിപ്പിക്കുന്ന ഈ ചെറുപ്പക്കാരൻ. ഒരു പ്രാരാബ്ധക്കാരനു മാത്രമല്ലേ മറ്റ് പ്രാരാബ്ധക്കാരോട് ശരിക്കും സ്നേഹവും ആർദ്രതയുമൊക്കെ തോന്നുകയുള്ളൂ. ആദർശനിഷ്ഠകളോടെ ഒരു പാവപ്പെട്ട പെൺകുട്ടിയെ വിവാഹം ചെയ്തു. എന്നുവച്ചാൽ സ്ത്രീധനാദികളൊന്നും വാങ്ങിയില്ലെന്നർത്ഥം. വീട്ടുകാരുടെയും ബന്ധുക്കളുടെയും എതിർപ്പുകൾ വക വയ്ക്കാതെയായിരുന്നു വിവാഹം .തനിക്കറിയാവുന്ന ഒരു തൊഴിലിലൂടെ ഒരു കുടുംബജീവിതത്തെ മുന്നോട്ട് കൊണ്ടുപോകുവാൻ കഴിയുമെന്ന ആത്മവിശ്വാസത്തോടെയുള്ള തീരുമാനങ്ങൾ. അടുത്ത ബന്ധുക്കൾ ആരും സഹകരിച്ചില്ലെങ്കിലും ധാരാളം സുഹൃത്തുക്കളുടെ സാന്നിദ്ധ്യത്തിലായിരുന്നു വിവാഹം. തുടർന്ന് ബന്ധുക്കളുടെ നിസഹകരണം മൂലം ജീവിതം വല്ലാത്ത പ്രതിസന്ധികളിൽ ആയി. സ്വന്തം നാട്ടിൽനിന്നു തന്നെ മാറി നിൽക്കേണ്ട സാഹചര്യം സംജാതമായി. അങ്ങനെയാണ് തന്റെ ഏതോ സുഹൃത്തുക്കൾ വഴി ഇദ്ദേഹം കുടുംബസമേതം മലബാറിലെത്തിയത്. ഒരു വാടക വീട്ടിൽ താമസം. അതിനടുത്ത് മറ്റൊരു വാടകസ്ഥലത്ത് ഒരു സ്വയംതൊഴിൽ സംരംഭം. സ്വാഭാവികമായും ഒരു തുണ്ട് ഭൂമിയും അതിലൊരു കൊച്ചു വീടും ആരെയും പോലെ ഈ കുടുംബത്തിന്റെയും അനിവാര്യമായ സ്വപ്നമായിത്തീരുന്നു.

അഞ്ചു സെന്റ് വസ്തു പരിചയത്തിൽ ഒരാൾ വിൽക്കുന്നുവെന്നറിഞ്ഞപ്പോൾ അത് വാങ്ങാനൊരു ഭൂതി. ആ സമയത്ത് കൈയ്യിൽ പണമൊന്നുമില്ല. വല്ല ബാങ്ക് ലോണോ സംഘടിപ്പിച്ച് അത് വാങ്ങിയാൽ ഒരു കൂര വച്ച് കിടക്കാം. എന്തെങ്കിലും ഈട് വയ്ക്കാതെ ലോണൊന്നും കിട്ടില്ല. ഈട് വയ്ക്കാൻ ഒന്നുമില്ലതാനും! എന്തു വഴിയെന്ന് പലരോടും ആലോചിക്കവേയാണ് ഏറ്റവും അടുത്ത ഒരു സുഹൃത്ത് ഒരു പോംവഴി മുന്നോട്ട് വച്ചത്. ഈ സുഹൃത്തിന്റെ പേർക്ക് അല്പം വസ്തുവുണ്ട്. അതു വച്ച് ലോൺ എടുക്കാമെന്നു വിചാരിച്ചാൽ അതിനു കാല താമസമുണ്ട്. അപ്പോഴേയ്ക്കും ഈ വാങ്ങാനിരിക്കുന്ന വസ്തു ചിലപ്പോൾ മറ്റാരെങ്കിലും വാങ്ങും. പിന്നെ കണ്ട പോംവഴിയുമായി സുഹൃത്ത് തന്റെ വസ്തുവിന്റെ ആധാരവുമെടുത്ത് നമ്മുടെ ബ്ലോഗ്ഗറെയും കൂട്ടി വിൽക്കുന്ന വസ്തുവിന്റെ ഉടമസ്ഥനെ ചെന്നു കണ്ടു. ഈ ആധാരം പണയമായി സ്വീകരിച്ച് തൽക്കാലം വസ്തു എഴുതി കൊടുക്കണം. വസ്തുവിന്റെ ഉടമസ്ഥത അത് വാങ്ങുന്ന നമ്മുടെ കഥാനായകന്റെ പേരിലാകുമ്പോൾ ആ വസ്തു ഈട് വച്ച് ബാങ്ക് വായ്പ എടുത്ത് വസ്തു നൽകുന്ന ആൾക്ക് നൽകും. അപ്പോൾ സുഹൃത്ത് പണയമായി നൽകിയ ആധാരം തിരിച്ചു നൽകണം എന്നായിരുന്നു വ്യവസ്ഥ. അത് ആ വസ്തു വില്പനക്കാരൻ അംഗീകരിക്കുകയും ചെയ്തു. നോക്കണേ ഒരു മനുഷ്യൻ ഒരു കൊച്ചു ജീവിതം കരുപ്പിടിപ്പിക്കുന്നതിനുവേണ്ടി പെടുന്ന പാടുകൾ.

പറഞ്ഞതുപോലെ വസ്തു സ്വന്തമായതോടെ നമ്മുടെ ബ്ലോഗ്ഗർ അത് എസ്.ബി.റ്റിയിൽ ഈട് വച്ച് ലോൺ എടുത്തു. ഒരു ലക്ഷം രൂപയുടെ ആവശ്യമേ വസ്തു വാങ്ങാൻ ആവശ്യമായിരുന്നുള്ളൂ. എന്നാൽ യാതൊരു ഉപാധിയുമില്ലാതെ തന്നെ വിശ്വസിച്ച് സ്വന്തം ആധാരം പണയവസ്തുവായി നൽകിയ സുഹൃത്തിനെ കൂടി ഒരു കരയ്ക്കടുപ്പിക്കണമെന്ന ആഗ്രഹം കൊണ്ട് തുക അല്പം കൂട്ടിയെടുത്തു; മൂന്നുലക്ഷം രൂപ! ഒരു ലക്ഷം രൂപാ താൻ വാങ്ങിയ വസ്തുവിനു വിലയായി നൽകിയശേഷം ബാക്കി തുക പണയമായി ആധാരം നൽകി സഹായിച്ച സുഹൃത്തിന്റെ ബ്വിസിനസ് വിപുലീകരിക്കുന്നതിനു വേണ്ടി നൽകി. രണ്ടു പേർക്കും കൂടി ലോൺ അടച്ചു തീർക്കാമെന്നായിരുന്നു വിശ്വാസം.എന്തായാലും അങ്ങനെ നമ്മുടെ ബ്ലോഗ്ഗർ സുഹൃത്തിന് സ്വന്തമായി അഞ്ച് സെന്റ് പുരയിടമായതോടെ ആ കുടുംബത്തിന്റെ സ്വപ്നത്തിൽ പാതി പൂവണിഞ്ഞതാണ്. അതിൽ തങ്ങളുടെ കൊച്ചു സ്വപ്ന വീടിന്റെ അടിസ്ഥാന ശിലകളും പാകിയുറപ്പിച്ചു. കുടുംബ പ്രാരാബ്ധങ്ങൾക്കും ബാങ്ക് കടത്തിനും ഇടയിൽ യഥാവിധി വീടുപണി തുടരുവാൻ കഴിഞ്ഞില്ലെന്നു മാത്രം!.

എന്നാൽ അദ്ദേഹത്തിനു വസ്തു വാങ്ങാൻ പണത്തിനു പകരം സ്വന്തം വസ്തുവിന്റെ ആധാരം പണയവസ്തുവായി നൽകി സഹായിച്ച ആ സുഹൃത്തിന്റെ ജീവിതം പിന്നീട് വലിയ ദുരന്തങ്ങളായി മാറി. അദ്ദേഹത്തിന്റെ ബ്വിസിനസ് ഒക്കെ പൊളിഞ്ഞു. അദ്ദേഹത്തിനു മുമ്പും ചില കടങ്ങൾ ഉണ്ടായിരുന്നു. കുറെ പണം ആരൊക്കെയോ പല വഴിക്ക് കബളിപ്പിക്കുകയും ചെയ്തു. നാട്ടിൽ നിൽക്കാൻ പറ്റാത്ത അവസ്ഥ. പിന്നെ വല്ല വിധേനയും ആ സുഹൃത്ത് ഗൾഫിലെത്തി. അതുകൊണ്ടും യാതൊരു പ്രയോജനവും ഇതുവരെ ഉണ്ടായിട്ടില്ല. ലോണെടുത്ത മൂന്നുലക്ഷത്തിലെ രണ്ട് ലക്ഷം രൂപ അടയ്ക്കുക അയാളുടെ ബാദ്ധ്യതയാണെങ്കിലും ലോൺ അടയ്ക്കുക പോയിട്ട് വീട്ട് ചെലവിനു പോലും പണമില്ലാത്ത ദയനീയ അവസ്ഥ! അങ്ങനെയൊരു അവസ്ഥയിൽ നമ്മുടെ ബ്ലോഗ്ഗർക്ക് തന്നെ അത്യാവശ്യ ഘട്ടത്തിൽ സഹായിച്ച കൂട്ടുകാരനെ പണം ചോദിച്ച് സമ്മർദ്ദത്തിലാക്കാൻ കഴിയില്ല. സമ്മർദ്ദത്തിലാക്കിയാലും അയാൾക്ക് മറ്റ് മാർഗ്ഗങ്ങൾ ഒന്നുമില്ല.

അതിനാൽ രണ്ടുപേർക്കും കൂടി എടുത്ത ലോണിന്റെ ബാദ്ധ്യത മുഴുവൻ നമ്മുടെ കഥാനായകന്റെ ബാദ്ധ്യതയുമായി. അത് അദ്ദേഹം ഏറ്റെടുക്കുകയും ചെയ്തു. താൻ എടുത്ത ഒരു ലക്ഷം രൂപയും കഴിഞ്ഞ് അൻപതിനായിരം രൂപയും കൂടി അദ്ദേഹം ബാങ്കിൽ അടച്ചു. മൊത്തം ഒന്നരലക്ഷം രൂപയും അടച്ചു കഴിഞ്ഞു. അപ്പോഴേയ്ക്കും തൊഴിൽ പരമായും സാമ്പത്തികമായും ബുദ്ധിമുട്ടുകളിലായി. കെട്ടിയോളും മൂന്നു കുട്ടികളുമായി കഴിയുന്ന ഈ മനുഷ്യന് തന്റെ തൊഴിലിൽ നിന്ന് കിട്ടുന്ന നേരിയ വരുമാനം കൊണ്ട് കുട്ടികളുടെ പഠന ചെലവടക്കം കുടുംബ ചെലവുകൾ നടത്തിക്കൊണ്ടു പോകാൻ കഴിയാത്ത ഒരു നിസഹാവസ്ഥയിലായി.

ഇപ്പോൾ തവണകളായി കുടിശിക തീർക്കാമെന്നുള്ള ബാങ്കിന്റെ സെറ്റിൽമെന്റ് കാലാവധിയും കഴിഞ്ഞു. ഇപ്പോൾ വസ്തു ജപ്തി ഭീഷണിയിലാണ്. താൻ എന്തിനുവേണ്ടിയാണോ വായ്പയെടുത്തത് ആ വസ്തു അദ്ദേഹത്തിനു നഷ്ടമാകാൻ പോകുന്നു. ആ വസ്തുവിൽ സ്വന്തം സ്വപ്നവീടിനു കെട്ടിയിട്ട അടിസ്ഥനം കൂടി ജപ്തി ചെയ്യുന്ന വസ്തുവിനോടൊപ്പം നഷ്ടപ്പെടുവാൻ പോകുന്നു. നോക്കൂ ഈ ചെറുപ്പക്കാരൻ ഒന്നും അത്യാഗ്രഹിച്ചതുകൊണ്ടു വന്ന ദുരന്തമല്ല ഇത്. കേവലം ഒരു കൂരവച്ച് കഴിയാൽ അഞ്ചു സെന്റ് വസ്തു; അതു മാത്രമേ മോഹിച്ചുള്ളൂ. അത് നഷ്ടപ്പെടുന്ന വേദന നമുക്കാർക്കും മനസിലാക്കാവുന്നതേയുള്ളൂ.

നമ്മുടെ ഈ ബൂലോക സുഹൃത്തിന് തുച്ഛമായ വരുമാനം കൊണ്ട് വീട്ടു ചെലവുകൾ നടത്താൻ തന്നെ ബുദ്ധിമുട്ട്.പിന്നെ ബാങ്ക് ലോൺ അടയ്ക്കുന്നതെങ്ങനെ? അത് വലിയൊരു ബാദ്ധ്യതയായി കിടക്കുന്നു. ബാങ്കിൽ നിന്ന് തുടരെ ജപ്തി നോട്ടീസുകൾ വന്നു കൊണ്ടിരിക്കുന്നു. ഒരു ഗതിയും മറുഗതിയുമില്ലാത്ത അവസ്ഥ. ഒന്നൊന്നര ലക്ഷം രൂപയുടെ കടമേയുള്ളൂ. പക്ഷെ അത് ഈ ചെറിയ കുടുംബത്തിന് താങ്ങാവുന്നതിലപ്പുറമാണ്. ആകെയുള്ള ഒരു മാർഗ്ഗം ഈട് വച്ചിരിക്കുന്ന വസ്തു വിറ്റ് തൽക്കാലം കടക്കെണിയിൽ നിന്ന് രക്ഷപ്പെടുക എന്നതാണ്. പിന്നെ ഒരിക്കലും ഒരു പക്ഷെ ഒരു സെന്റ് ഭൂമി സ്വന്തമാക്കാൻ കഴിഞ്ഞില്ലെന്നിരിക്കും. എങ്കിലും വേണ്ടില്ലെന്നു കരുതി വസ്തു വില്പനയ്ക്കൊരുങ്ങി. സ്വഭാവികമായും കടം കയറിയ വസ്തുവില്പനയാണെന്ന് അറിയാവുന്നതു കൊണ്ട് ന്യായയമായ ഒരു വിലയ്ക്ക് അത് ആരും വാങ്ങാൻ വരുന്നില്ല.

കാരണം വിക്കുന്നവൻ അത്യാവശ്യക്കാരൻ ആണെനറിഞ്ഞാൽ വാങ്ങാനാഗ്രഹിക്കുന്നവർ തീർത്തും അത്യാവശ്യക്കാരല്ലാതായി മാറുമല്ലോ. പറ്റിയ തക്കത്തിന് ചീപ്പ് വിലയ്ക്ക് ഒപ്പിച്ചെടുക്കനാകും ആരും ശ്രമിക്കുക. അതാണിപ്പോൾ സംഭവിക്കുന്നത്. ഇത് വിൽക്കാതെ കിടന്നാൽ നാളെ ഇന്ന് കിട്ടുന്നതിന്റെ ഇരട്ടിയ്ക്കിരട്ടി വിലയ്ക്ക് ഈ പറയുന്ന വസ്തു വിൽക്കാൻ കഴിയും. പക്ഷെ അതു വരെ പിടിച്ചു നിൽക്കാനാകില്ലല്ലോ. ഇപ്പോൾ മാന്യമായ ഒരു വില കിട്ടിയിരുന്നെങ്കിൽ അത് വിറ്റ് ബാങ്കിലെ കടവും തീർത്ത് ബാക്കി വരുന്ന പൈസയ്ക്ക് വല്ല കാട്ടുമ്പുറത്തോ പോയി അഞ്ചു സെന്റ് വസ്തുവെങ്കിലും വാങ്ങാമായിരുന്നു. അതുമല്ലെങ്കിൽ നാട്ടിൽ ചെന്ന് എന്തെങ്കിലും അറേജ് മെന്റുകൾ വരുത്താമായിരുന്നു. ഇതിപ്പോൾ ഒന്നിനും പറ്റാത്ത അവസ്ഥ. തൽക്കാലം ഈ ബാങ്ക് ബാദ്ധ്യത ഒന്ന് ഒഴിക്കാൻ കഴിഞ്ഞാൽ സാവധാനം ഒരു നല്ല വിലയ്ക്ക് ഈ വസ്തു വിറ്റ് പ്രതിസന്ധി തരണം ചെയ്യാമായിരുന്നു.

ഒരു ഒന്നര ലക്ഷം രൂപാ സംഘടിപ്പിക്കുവാനുള്ള നെട്ടോട്ടത്തിനിടയിലാണ് ബൂലോകത്തെ ഈ കൊച്ചു പുലി എന്നെ ഫോണിൽ വിളിക്കുന്നത്. എങ്ങനെയെങ്കിലും തൽക്കാലത്തേയ്ക്ക് കുറച്ച് പണം മറിക്കാനുള്ള മാർഗ്ഗങ്ങളെ കുറിച്ചായിരുന്നു ആരാഞ്ഞത്. അതിപ്പോൾ അമ്മി വന്ന് ഉരലിനോട് പരാതി പറയുന്നതുപോലെയുമായി. എന്റെ നിസഹായത എങ്ങനെ പ്രകടമാക്കണമെന്നറിയാതെ ഞാൻ നന്നേ വിഷമിച്ചു. ജീവിതം പ്രതിസന്ധിയിലായി സാന്ത്വനം തേടിയെത്തുന്നവരോട് സ്വന്തം പ്രാരാബ്ധങ്ങൾ പറഞ്ഞു കേല്പിക്കുന്നത് ഉചിതമല്ലല്ലോ. ഞാൻ ഇതെഴുതുമ്പോഴും അദ്ദേഹം തന്റെ ജീവിതത്തിലെ ഈ പ്രതിസന്ധി തരണം ചെയ്യാനുള്ള പരക്കം പാച്ചിലിലായിരിക്കും എന്നെനിക്കറിയാം. ഇനി ഞാൻ അങ്ങോട്ട് വിളിക്കുമ്പോൾ അതിജീവനത്തൊനൊരു മാർഗ്ഗം കണ്ടെത്തിയിട്ടുണ്ടാകണമേ എന്ന ആഗ്രഹത്തിൽ ഇരിക്കുകയാണു ഞാൻ.

ഞാൻ ഇത്തരുണത്തിൽ മറ്റു പലതും ആലോചിച്ചു പോയി. നല്ല കാലത്ത് ആദർശത്തിന്റെ ദുശാഠ്യങ്ങൾ വച്ചു പുലർത്താതിരുന്നെങ്കിൽ ഇന്ന് എന്റെ ഒരു ഇഷ്ട മിത്രം സാമ്പത്തികമായി പ്രയാസപ്പെടുമ്പോൾ തീർച്ചയായും എനിക്കു സഹായിക്കാൻ കഴിഞ്ഞേനെ. ജീവിക്കണമെങ്കിൽ പണം വേണം. ഒരാൾ നമ്മളോട് അഞ്ചു രൂപാ കടം ചോദിച്ചാൽ കൊടുക്കണമെങ്കിൽ നമ്മുടെ കൈയ്യിൽ അതുണ്ടാകണം. ആദർശം വിറ്റാൽ പണം കിട്ടില്ല. സുരക്ഷിതമായ ഒരു തൊഴിലുണ്ടെങ്കിൽ ഒരുവിധം അല്ലലില്ലാതെ ജീവിച്ചു പോകാം എന്നതിനപ്പുറം നമ്മുടെ സ്വന്തം പ്രതിസന്ധികളിൽ നമുക്ക് പിടിച്ചു നിൽക്കാനോ , വേണ്ടപ്പെട്ടവരെ പ്രതിസന്ധികളിൽ സഹായിക്കുവാനോ കഴിയില്ല. ഇവിടെ ഞാൻ പറഞ്ഞ നമ്മുടെ ബ്ലോ‍ഗ്ഗറും മറ്റുള്ളവരെ പോലെ ചിന്തിച്ചെങ്കിൽ സാമ്പത്തികമായി ചുറ്റുപാടുള്ള ഒരു കുടുംബത്തിൽ നിന്ന് പെണ്ണെടുക്കമായിരുന്നു. എങ്കിൽ ആ വഴിക്കെങ്കിലും ഒരു നേട്ടം ഉണ്ടാക്കാമായിരുന്നു.പൊന്നും പണവും വാങ്ങി വിവാഹിതരാകുന്നവർക്ക് ആർക്കും സാമ്പത്തിക പ്രശ്നം വരില്ലെന്നല്ല. കൂട്ടത്തിൽ പറഞ്ഞതാണ്.

തീർച്ചയായും ജീവിതാദർശങ്ങൾ ഉയർത്തി പിടിക്കുന്നവർ ജീവിതത്തിൽ പരാജയപ്പെടുകയും അന്യരുടെ പരിഹാസങ്ങൾക്ക് വിധേയരാകുകയും ചെയ്യും. അതുകൊണ്ട് എന്റെ മുന്നിൽ ആദർശങ്ങളുമായി ഉപദേശം തേടിയെത്തുന്ന ചെറുപ്പക്കാർക്കൊക്കെ ഞാനതിന്റെ വരും വരായ്കകൾ പറഞ്ഞു കൊടുക്കാറുണ്ട്. പലപ്പോഴും നാട്ടു നടപ്പുകളെ ലംഘിച്ചും ആദർശങ്ങളിൽ വിട്ടുവീഴ്ചയില്ലാതെയും ജീവിക്കുമ്പോൾ സാമ്പത്തികമായ അരക്ഷിതാവസ്ഥ അങ്ങനെ ഒരു ജീവിതം തെരഞ്ഞെടുക്കുന്നവരെ വല്ലാതെ ബാധിക്കും.എന്നു വച്ച് നല്ല ജീവിത മൂല്യങ്ങളിൽ നിന്ന് അകന്നു നിൽക്കാൻ നമുക്ക് പറയാനൊക്കുമൊ? പക്ഷെ ചിലപ്പോൾ ചില അനുഭവങ്ങൾ നമ്മെക്കൊണ്ട് അത് പറയിക്കും. സാമ്പത്തികായി സുരക്ഷിതരായ ആളുകൾക്ക് മാത്രമേ ആദർശങ്ങളിൽ ഉറച്ച് ജീവിക്കാൻ കഴിയുകയുള്ളൂ. അല്ലാത്തവർ ആ വഴിക്കു തിരിയാത്തതാണ് നല്ലത്.

ഇത് ആദർശങ്ങളോടുള്ള നിഷേധാത്മക നിലപാട് ഉള്ളിൽ വച്ച് പറയുന്നതല്ല. മറിച്ച് ജീവിതത്തിൽ ചില ആദർശങ്ങളും നല്ല മൂല്യങ്ങളും ഉയർത്തിപ്പിടിച്ച് ജീവിക്കാൻ ശ്രമിക്കുന്നവർക്ക് അവരുടെ ജീവിതത്തിൽ നേരിടേണ്ടി വരുന്ന പ്രതിസന്ധികൾ കണ്ടിട്ട് പറഞ്ഞു പോകുന്നതാണ്. ഈയുള്ളവനും ചില ജീവിത മൂല്യങ്ങൾക്ക് വേണ്ടി എടുത്ത നിലപാടുകൾ മൂലം വലിയ കഷ്ടനഷ്ടങ്ങൾ അനുഭവിക്കേണ്ടി വന്നിട്ടുണ്ട്. അതൊന്നും എന്റെ സ്വന്തം കാര്യം ആയതിനാൽ ഇവിടെ വിസ്തരിക്കുന്നില്ല. നോക്കൂ, ഇവിടെ നമ്മുടെ കഥാനായകൻ ഏതെങ്കിലും നല്ല സാമ്പത്തിക ചുറ്റുപാടുള്ള ഒരു കുടുംബത്തിൽ ചെന്ന് കിട്ടാവുന്നത്ര പൊന്നും പണവും സ്ത്രീധനവുമൊക്കെ വാങ്ങി ഒരു വിവാഹം കഴിച്ചിരുന്നെങ്കിൽതന്നെ ഇന്ന് അനുഭവിക്കുന്ന പ്രയാസങ്ങൾ ഒന്നും ഉണ്ടാകുമായിരുന്നില്ല. വേറിട്ടതും മാതൃകാപരവുമായ ജീവിതവഴികൾ തെരഞ്ഞെടുക്കുന്ന ഏതൊരാൾക്കും സംഭവിക്കാവുന്ന പ്രശ്നങ്ങളാണ് അദ്ദേഹത്തിന് ഉണ്ടായിട്ടുള്ളത്. അതുകൊണ്ട് അദ്ദേഹത്തെ കുറ്റപ്പെടുത്തുന്നത് ഒരിക്കലും ശരിയല്ല്ല.

തനിക്ക് ചെയ്യാൻ പറ്റുന്ന തൊഴിലും അനിശ്ചിതവും തുച്ഛവുമായ വരുമാനവും കൊണ്ട് ഇക്കലമത്രയും ഒരു കുടുംബത്തെ നയിച്ചുകൊണ്ടു പോകുവാൻ അദ്ദേഹത്തിന് കഴിഞ്ഞിട്ടുണ്ട്. അദ്ധ്വാനിക്കുവാനുള്ള മനസ്സ് കൈമുതലുള്ള ആർക്കും അതിനു കഴിയും. പക്ഷെ അത്യാവശ്യം അല്പം വലിയൊരു തുക അത്യാവശ്യമായി വരുമ്പോഴും കൈയ്യിലൊതുങ്ങാത്ത കടബാദ്ധ്യതയിൽ പെട്ടു പോകുമ്പോഴും സാധാരണക്കാരായ മനുഷ്യർ വല്ലാതെ ബുദ്ധിമുട്ടും. അത്തരം ഒരു ബുദ്ധിമുട്ടിൽ അകപ്പെട്ടിരിക്കുന്ന എന്റെ ആ സുഹൃത്തിന് ഏതെങ്കിലും വിധത്തിൽ താൽക്കാലികമായ ഈ പ്രതിസന്ധി തരണം ചെയ്യാൻ കഴിയട്ടെ എന്ന് ആ‍ഗ്രഹിക്കാൻ മാത്രമേ എന്റെ നിസഹായത അനുവദിക്കുന്നുള്ളൂ.

ഞാൻ ഇതെഴുതുന്നത് നമ്മൾ സമൂഹത്തിൽ കാണുന്ന പല മനുഷ്യരും പുറമേ കാണുന്നതു പോലെയല്ല എന്നതിന് ഒരു ദൃഷ്ടാന്തം ചൂണ്ടി കാണിക്കുവാനാണ്. ചിരിച്ചും സന്തോഷിച്ചും നടക്കുന്നവരിൽ നല്ലൊരു പങ്ക് ആളുകളുടെയും മനസ്സ് പലവിധ പ്രശ്നങ്ങളാൽ വെന്തു നീറുകയായിരിക്കും. അതിൽ നല്ലൊരു പങ്കും അനുഭവിക്കുന്നത് സാമ്പത്തിക പ്രശ്നങ്ങളുമായിരിക്കും. സാമ്പത്തികാസമത്വങ്ങൾ നിറഞ്ഞാടുന്ന ഒരു സമൂഹത്തിൽ ഇത് സ്വാഭാവികമാണ്. പക്ഷെ സമൂഹം വിചാരിച്ചാൽ ഈ അസംതുലിതാവസ്ഥ ഒരു പരിധി വരെയെങ്കിലും പരിഹരിക്കുവാൻ സാധിക്കും. ഓരോരുത്തരും അവരവരുടെ വിശ്വാസപ്രമാണങ്ങൾ അനുസരിച്ച് സഹജീവീയ ബോധം കാണിക്കുന്ന പക്ഷം മുങ്ങിത്താഴുന്ന പല ജീവിതങ്ങളെയും വീണ്ടു കൈപിടിച്ച് കരയ്ക്കടുപ്പിക്കുവാൻ കഴിയും. ഓരോരുത്തരും അവരവരുടെ ബന്ധു-സുഹൃത്ത് വലയങ്ങളിലും അനുഭവ പരിധിയിലും ഉള്ളവരോടെങ്കിലും, എന്തിന് സ്വന്തം ഇട്ടാവട്ടങ്ങളിൽ ഉള്ളവരോടെങ്കിലും അനുതാപമുള്ളവരും അവർക്ക് പ്രതിസന്ധികളിൽ കൈത്താങ്ങാകുന്നവരും ആയാൽ പോലും എത്രയോ ജീവിത ദുരന്തങ്ങളെ നമുക്ക് ഒഴിവാക്കാനാകും?

എന്തായാലും ഞാൻ ഈ പോസ്റ്റ് എഴുതി വച്ച് പബ്ലിഷ് ആക്കുന്നതിനു മുമ്പ് ഈ പോസ്റ്റിലെ നായകനായ നമ്മുടെ ബ്ലോഗ്ഗറെ വിളിച്ചിരുന്നു. ഇപ്പോൾ അദ്ദേഹം യാഥാർത്ഥ്യങ്ങളുമായി പൊരുത്തപ്പെട്ടുവരുന്നു. എങ്ങനെയും തന്റെ ഇപ്പോഴത്തെ പ്രതിസന്ധി തരണം ചെയ്യാനുള്ള തീവ്രശ്രമത്തിന് അനല്പമായ ഫലം കണ്ടു തുടങ്ങി. ഇപ്പോൾ എങ്ങനെയെങ്കിലും അതിജീവിച്ചു കഴിഞ്ഞാൽ ഭാവിയിൽ തിരിഞ്ഞു നോക്കുമ്പോൾ ഇതൊരു പ്രതിസന്ധ്യായിരുന്നെന്നു തന്നെ തോന്നില്ല. പലരുടെയും പ്രശ്നങ്ങളുമായി താരതമ്യം ചെയ്യുമ്പോൾ.പക്ഷെ അതി ജീവിക്കുന്നതുവരെ ഇതൊരു വലിയ പ്രതിസന്ധി തന്നെയാണ്. ഇപ്പോൾ പുതിയ ഒന്നു രണ്ട് പണിയുടെ കൊട്ടേഷനുകൾ കിട്ടിയിട്ടുണ്ട്. അങ്ങനെ കുറച്ച് വർക്ക് കിട്ടിയാൽ തന്നെ കുറച്ചൊക്കെ പിടിച്ചു നിൽക്കാം. പക്ഷെ അത്യാവശ്യ സമയത്ത് കിട്ടില്ല എന്നത് പ്രകൃതി നിയമം ആണല്ലോ! ഈ വിവരങ്ങൾ അറിയാവുന്ന ഒന്നു രണ്ട് സുഹൃത്തുക്കൾ അവർക്ക് കഴിയാവുന്ന തുകകൾ കടമായി നൽകാമെന്ന് അറിയിച്ചിരിട്ടുണ്ടെന്ന് അദ്ദേഹം പറഞ്ഞു.

ഇനി അവശേഷിക്കുന്ന ബാങ്ക് കടം ഏതാണ്ട് ഒന്നര ലക്ഷം രൂപയാണ്. അതിൽ ഏകദേശം ഇരുപത്തഞ്ച് ശതമാനം കണ്ടെത്തി കഴിഞ്ഞിരിക്കുന്നു. . എങ്ങനെയെങ്കിലും ഈ കടബാദ്ധ്യത ഒഴിച്ച് ആ വസ്തു വിറ്റാൽ അന്ന് അത് വാങ്ങിയതിനേക്കാൾ നല്ല വിലയ്ക്ക് അത് വിൽക്കാം. അതിൽ ഒരു പങ്ക് കടം വാങ്ങുന്നതൊക്കെ തിരിച്ച് നൽകി, ശേഷിക്കുന്ന തുക കൊണ്ട് സ്വന്തം നാട്ടിൽ ചെന്ന് ഏതെങ്കിലും ഒഴിഞ്ഞ കാട്ടുമ്പുറത്തെങ്കിലും ഒരു കൂര വച്ച് തല ചായ്ക്കാൻ അഞ്ച് സെന്റ് മണ്ണ്! അത് മാത്രമാകുന്നു നമ്മുടെ ഈ ബ്ലോഗ്ഗറുടെ ഇപ്പോഴത്തെയും സ്വപ്നം!

ഇതൊക്കെയാണ് കൂട്ടരേ, നമ്മുടെ സമൂഹത്തിലെ ഓരോരോ മനുഷ്യാവസ്ഥകൾ. കൂട്ടത്തിൽ ഒന്ന് ഇതും!

ഇനി ഈ പോസ്റ്റിന് എങ്ങനെയെങ്കിലും ഒരു ഫുൾ സ്റ്റോപ്പ് ഇടണമല്ലോ! എന്തായാലും അദ്ദേഹം ആത്മ വിശ്വാസത്തിലാണ്. പ്രതിസന്ധികളെ തരണം ചെയ്യുന്നതിന് മറ്റുള്ളവർക്ക് ക്രിയാത്മകമായ മാർഗ്ഗ നിർദ്ദേശങ്ങൾ നൽകാനും കൌൺസിലിംഗ് നടത്താനും കഴിയുന്ന അദ്ദേഹത്തിനാണ് ഈ ഒരു പ്രതിസന്ധി. അതുകൊണ്ട് അദ്ദേഹം അത് തരണം ചെയ്യാതിരിക്കില്ല. എങ്കിലും അതിനുള്ള കരുത്തും ഗതിവേഗവും അദ്ദേഹത്തിന് ഞാൻ ആശംസിച്ചുകൊണ്ട് തൽക്കാലം ചുരുക്കുന്നു.

പിൻകുറിപ്പ്: കേവലം ഒന്നര ലക്ഷത്തിന്റെ കടബാദ്ധ്യതയെക്കുറിച്ച് നീണ്ടു പരന്ന ഒന്നൊന്നര പോസ്റ്റോ എന്നാണ് ചോദ്യമെങ്കിൽ അതിനു മറുപടിയായി ഒന്നേ പറയാനുള്ളൂ. ചോനനുറുമ്പിനു വഴിയിൽ കാണും ചെറുകല്ലൊരു വന്മലയാകുന്നു എന്നാണ്! തട്ടിമുട്ടി ജീവിക്കുന്ന ഒരു സാധാരണ കുടുംബത്തിന് ആയിരം രൂപ പോലും ഒരു വലിയ തുകയാണ്.

71 comments:

കലി said...

മരുപ്പച്ചകൾ മാഞ്ഞുപോയൊരു മണൽ‌പ്പരപ്പിൽ ഞാൻ
മനസ്സുകൊണ്ടൊരു ഹരിതവസന്തം വരച്ചുവച്ചപ്പോൾ

PINNENTHU VENAM.. ETHU PRATHISANDHIYUM NISSARAMALLE..

രമേശ്‌ അരൂര്‍ said...

സഹായിക്കാന്‍ സന്മനസുള്ളവര്‍ ആരുടെ ? ഏതു അക്കൌണ്ടിലേക്കാണ് സഹായം എത്തിക്കേണ്ടത്‌ ?
പലതുള്ളി പെരുവെള്ളം എന്നല്ലേ !
പക്ഷെ ആവശ്യക്കാരന്‍ സമ്മതിച്ച സ്ഥിതിക്ക് ആള്‍ ആരെന്നു പറയാം ..പറയണം..ആറ്റില്‍ കളഞ്ഞാലും അളന്നു കളയണം എന്നല്ലേ ..:)
ഇന്ന് ഞാന്‍ ..നാളെ നീ ..മറ്റന്നാള്‍ ..മറ്റൊരാള്‍ എല്ലാവരും ഒന്ന് മുന്നോട്ടു വരൂ ..ഒത്തു പിടിച്ചാല്‍ ഒരു കുടുംബം രക്ഷപ്പെടും ..

രമേശ്‌ അരൂര്‍ said...

സജിം :പോസ്റ്റ് നന്നായി എഡിറ്റ് ചെയ്തു കാര്യമാത്ര പ്രസക്തമാക്കൂ ..:)

കൂതറHashimܓ said...

സജിമാഷെ... മറ്റ് ബ്ലോഗ് സുഹൃത്തുക്കളേ,
എനിക്ക് നന്നായി അറിയാവുന്ന എന്റെ സുഹൃത്താണ് ഈ പറഞ്ഞ ബ്ലോഗര്. ബ്ലോഗറുടെ ഈ വിശമതകള്‍ എനിക്ക് നന്നായി അറിയുകയും ചെയ്യാം.
എനിക്കായി ഒന്നിനും കഴിയില്ലല്ലോ എന്ന മാനസിക്ജ വിശമത്തിലായിരുന്നു... സജിമാഷിന്റെ ഈ പോസ്റ്റിന്റെ ഫോളോപ്പായി നമുക്കൊന്ന് ശ്രമിച്ചാല്‍ കഴിയുന്നതെ ഉള്ളൂ ഈ പ്രശ്നം പരിഹരിക്കാന്‍.

20-22 ബ്ലോഗ് കൂട്ടുകാര്‍ 5000/- രൂപ വെച്ച് ഒരു നിശ്ചിത കലയളവിലേക്ക് കടമായി തുക ശേഖരിക്കാന്‍ തയ്യാറായി മുന്നോട്ട് വന്നാല്‍ വളരെ എളുപ്പത്തില്‍ തന്നെ ജപ്തിയുമായി ബന്ധപെട്ട പ്രശ്നം പരിഹരിക്കാന്‍ കഴിയും എന്നു തന്നെ ഞാന്‍ വിശ്വസിക്കുന്നു.
തൌദാരം ബ്ലോഗം നാമൂസ് ഈ കര്യത്തിലെക്കായി 5000/- രൂപ നല്‍കാമെന്ന് എന്നോട് ഫോണിലൂടെ അറിയിച്ചിട്ടുണ്ട്....
ഇതുപോലെ കഴിയുന്നവര്‍ ഉടനെ തന്നെ കമന്റായോ എന്നെ ഫോണിലൂടേയോ മെയിലായോ കോന്റാക്റ്റ് ചെയ്യുമെന്ന് വിശ്വസിക്കുന്നു.
മൊബൈല്‍. +919895460920
Email ID: hashimcolombo@gmail.com

ഒന്ന് ശ്രദ്ധിക്കൂ... 26 നു മുമ്പ് തന്നെ കാര്യങ്ങള്‍ നന്നായി നടന്നില്ലെങ്കില്‍ ആ സ്ഥലം ജെപ്തി ചെയ്യുമെന്ന് ഓര്‍ക്കൂ

നാമൂസ് said...

നമ്മെപ്പോലുള്ളോരു കൂട്ടായ്മക്ക് എളുപ്പത്തില്‍ സാധിക്കുന്ന ഒരു കാര്യം മാത്രമാണ് ഈ സുഹൃത്ത് ആവശ്യപ്പെടുന്നത്. എന്നെക്കൊണ്ടാകുന്നൊരു സഹായം കുറഞ്ഞത്‌ 5000 രൂപ വരെ ഞാന്‍ വാഗ്ദത്തം നല്‍കുന്നു.
അതെത്തിക്കുവാനുള്ള വിലാസം കൂടെ അറിയിച്ചാല്‍ വീട്ടില്‍ വിളിച്ച് കാര്യങ്ങള്‍ വേഗത്തിലാക്കാമായിരുന്നു.

ഈ പുണ്യ മാസത്തില്‍ ഒരാളും മനസ്സ് വിഷമിച്ച് പ്രയാസത്തില്‍ ജീവിക്കരുതെന്നൊരു പ്രാര്‍ത്ഥനയും എനിക്കുണ്ട്,. പ്രത്യേകിച്ചും നമുക്കിടയിലെ ഒരാള്‍.
സര്‍വ്വേശ്വരന്‍ എല്ലാവരെയും അനുഗ്രഹിക്കട്ടെ..!!

ഈ വിവരം ഇവിടെ അവതരിപ്പിച്ച സജിക്കും, ഇങ്ങോട്ട് വഴി നടത്തിയ രമേശ്‌ അരൂരിനും, കാര്യമറിഞ്ഞ മാത്രയില്‍ എന്ത് ചെയ്യാന്‍ സാധിക്കുമെന്ന് ഫോണില്‍ വിളിച്ച് തിരക്കിയ ഹാഷിമിനും നന്ദി.

ഇ.എ.സജിം തട്ടത്തുമല said...

ഹാഷിം,
അപ്പോൾ ഇക്കാര്യം അറിയാവുന്നവർ വേറെയുമുണ്ട്. അല്ലേ?

രമേശ്ജി,
എന്റെ എഴുത്തിന്റെ ഒരു കുഴപ്പം ഇതാണ്. തിരക്കിനിടയിൽ ഉള്ള എഴുത്താണ്. എഴുതുന്ന സമയത്ത് മനസിൽ തോന്നുന്ന കാര്യങ്ങൾ അതുപോലെ അങ്ങ് എഴുതും. പോസ്റ്റ് ചെയ്യുന്നതിനു മുമ്പ് അക്ഷരതെറ്റുകൾ മാത്രം ഒന്നു നോക്കും. എങ്കിലും ഒന്നു കൂടി എഡിറ്റാൻ നോക്കാം. കാര്യങ്ങൾ മനസിലായല്ലോ. എനിക്ക് തോന്നുന്നത് ഹാഷിമിന് ഈ വിഷയം എന്നേക്കാൾ നന്നായി അറിയാമെന്നാണ്. അവരെങ്ങാനുമാണ് പോസ്റ്റിട്ടിരുന്നതെങ്കിൽ കാര്യങ്ങൾ കൂടുതൽ വ്യക്തമാകുമായിരുന്നു. എന്തായാലും ആശ്വാസവുമായി എത്താൻ ആരെങ്കിലും ഉണ്ടാകുന്നു എന്നറിയുന്നതിൽ സന്തോഷം. ഹാഷിമിന്റെ നംബർ നൽകിയിട്ടുണ്ടല്ലോ. വിളിച്ചാൽ കാര്യങ്ങൾക്ക് കുറച്ചു കൂടി വ്യക്തത വരും എന്ന് തോന്നുന്നു.

രമേശ്‌ അരൂര്‍ said...

ഹാഷിം :ഇക്കാര്യം ഉന്നയിച്ചതും അത് തന്റെ ബ്ലോഗില്‍ ഒരു പോസ്റ്റ്‌ ആക്കി സഹായം അഭ്യര്തിക്കുകയും ചെയ്തത് ശ്രീ സജീം ആണ് .ഹാഷിമിന് അറിയാമായിരുന്നത് പോലെ മറ്റു പലര്‍ക്കും ഇക്കാര്യം അറിയാമായിരിക്കാം .അത് കൊണ്ട് അഞ്ചു മിനിറ്റ് മുന്‍പ് വരെ ഒരു പ്രയോജനവും ഉണ്ടായില്ലല്ലോ .കടം കൊണ്ട് വിഷമിക്കുന്ന ആ സുഹൃത്തിന്റെ ബുദ്ധിമുട്ടുകള്‍ മനസിലാക്കി ഇക്കാര്യം നമ്മളോട് പങ്കു വച്ച ആള്‍ എന്ന നിലയില്‍ ശ്രീ സജിം തന്നെ സഹായ നിധിയുടെ കോര്‍ ഡി നേഷന്‍ ചുമതല ഏറ്റെടുക്കണം .അദ്ദേഹത്തിനാണ് മറ്റാരെ ക്കാളും ഇക്കാര്യത്തില്‍ ധാര്‍മിക ത ഉള്ളതെന്ന് എനിക്ക് തോന്നുന്നു .അദ്ദേഹത്തിന്‍റെ അക്കൌണ്ട് വിവരങ്ങള്‍ സജിം ഉടന്‍ നല്‍കണം .നമൂസ് അടക്കം മറ്റു ചിലരും കൂടി സഹായ വാഗ്ദാനം നടത്തിയിട്ടുണ്ട് ,
കടമായി നല്‍കുന്ന സഹായം അദ്ദേഹത്തെ വീണ്ടും ബാധ്യത ക്കാരന്‍ ആക്കുകയെ ഉള്ളൂ .ചെറുതെങ്കിലും സഹായം ,സഹായം മാത്രമായി കരുതി നല്‍കുന്നതാണ് അഭികാമ്യം .

സ്വന്തം സുഹൃത്ത് said...

പൂച്ചയ്ക്കാര് മണി കെട്ടും?
ആരെങ്കിലും ഇതിനായി മുന്നോട്ടു വരണ്ടേ? എല്ലാം ഒന്ന് ഓര്‍ഗനൈസ്‌ ചെയ്യാന്‍ ?
ഒരു പ്രശസ്തമായ ബാങ്കില്‍ (eg ICICI )ഒരക്കൌണ്ട് തുടങ്ങണം അത് പബ്ലിഷ് ചെയ്യണം
അല്ലെങ്കില്‍ നമ്മളില്‍ ആരെങ്കിലും ഇതിനു മുന്‍കൈ എടുത്തു മറ്റുള്ളവരുടെ കയ്യില്‍ നിന്നും ശേഖരിച്ചു കൊടുക്കണം
പലര്‍ക്കും തങ്ങള്‍ ചെയ്യുന്ന സഹായം പരസ്യപ്പെടുത്താന്‍ താല്പര്യമില്ലാത്തതിനാല്‍ അത് ഇവിടെ ആരും പരസ്യമായി പോസ്റ്റ്‌ ചെയ്യുമെന്ന് തോന്നുന്നില്ല
രമേശേട്ടന്‍ എന്ത് പറയുന്നു.??

രമേശ്‌ അരൂര്‍ said...

പരസ്യപ്പെടുത്താന്‍ ആഗ്രഹിക്കാത്തവര്‍ പരസ്യപ്പെടുത്തെണ്ട ,അദ്ദേഹത്തിന്‍റെ ബാങ്ക് അക്കൌണ്ട് ഉടന്‍ നല്‍കാന്‍ ബന്ധപ്പെട്ടവര്‍ തയ്യാറാകണം .ആ അക്കൌണ്ടിലേക്ക് പണം അയക്കാമല്ലോ ..ആര് നേതൃത്വം കൊടുത്താലും കാര്യം ശരിയായ രീതിയില്‍ നടക്കണം എന്നാണു ഞാന്‍ പറഞ്ഞതിന്റെ അര്‍ഥം . തുടര്‍ ചര്‍ച്ചകള്‍ ദയവായി സഹായത്തെ കുറിച്ച് മാത്രമുള്ളതാകട്ടെ :)

കൂതറHashimܓ said...

കാര്യങ്ങളുടെ വിശദാംശം അറിയേണ്ടവര്‍ക്കായി കോണ്ടാക്റ്റ് ചെയ്യാന്‍ വേണ്ടിയാണ്‍ ഫോണ്‍ നമ്പറും എന്റെ ഈ മെയില്‍ അഐഡിയും നല്‍കിയത്
നാമൂസ് പറഞ്ഞപ്രകരം ഇനിയും കഴിയുന്നവര്‍ രഗത്ത് വരുന്ന മുറക്ക് എവ്വിതം കാശ് ശേഖരിക്കണമെന്ന് കൂടി ആലോചിച്ച് തീരുമാനിക്കാം.. ആയതിലെക്കായി കഴിയുന്നവര്‍ സജിമാഷിന്റെ മൊബൈലിലോ ഈ മെയിലിലോ കോണ്ടാക്റ്റ് ചെയ്യാവുന്നതേ ഉള്ളൂ
മൊബൈല്‍: +919446272270

ജപ്തി പ്രശ്നത്തോടൊപ്പം തന്നെ 6 മാസത്തോളമുള്ള വീട്ടു വാടക പിള്ളേരുടെ ഫീസ് എന്നിവ ഇപ്പോള്‍ പെന്റിങ്ങ് ആണ്. ബാങ്കിന്റെ ബാധ്യത തീര്‍ക്കുന്നതോടെ ഇപ്പോ ഉള്ള സ്ഥലം വിപ്പന നടത്തുക വഴി കിട്ടുന്ന തുകക്ക് കടം വെട്ടാമെന്നും ഇപ്പോ നടന്ന് വരുന്ന ബിസിനസ് ഇത്തിരി കൂടി വിപുലപ്പെടുത്താമെന്നുംകരുതുന്നു.. തുടര്‍ന്നുള്ള നാളില്‍ പുതിയ വീടോ സ്ഥലമോ സ്വന്തമാക്കാനുള്ള മനക്കരുത്തും പോപ്പ്സ്റ്റീവ് മൈറ്റും ആ വ്യക്തിയില്‍ ഉണ്ടെന്ന് എനിക്കുറപ്പ്.

Vp Ahmed said...

email വഴിയെങ്കിലും അക്കൌന്റ്റ്‌ നമ്പര്‍, പേര്‍ അറിയിക്കുകയാണെങ്കില്‍ വല്ലതും ചെയ്യാം

ഇ.എ.സജിം തട്ടത്തുമല said...

പോസ്റ്റിൽ എഴുതാൻ വിട്ടു പോയ ഒരു കാര്യം ഏറ്റവും അവസാനമായി ബാങ്ക് നൽകിയ ഇളവനുസരിച്ച് ഇനി ഒന്നര ലക്ഷം അടയ്ക്കേണ്ടതില്ല. ഒരു ലക്ഷത്തി ഇരുപത്തിയാറായിരം രൂപാ അടച്ചാൽ മതി എന്നൊരാശ്വാസം ഉണ്ട്.

ആരെങ്കിലും സഹായങ്ങൽ ചെയ്യാൻ ആഗ്രഹിക്കുന്ന പക്ഷം അത് ആരെങ്കിലും ഒരു തുകയാക്കി ബാങ്കിൽ അടയ്ക്കുന്നതായിരിക്കും ഉത്തമം. നേരിട്ട് കാശ് വാങ്ങാൻ പറ്റുന്ന പരുവത്തിലല്ല, അദ്ദേഹം. കൈയ്യിൽ കാശിരുന്നാൽ ചില്ലറ കടക്കാർ വന്ന് സമ്മർദ്ദം ചെലുത്തി വാങ്ങിച്ചാൽ ബാങ്ക് ലോൺ അടപ്പ് നടക്കില്ല. ഞാൻ അന്വേഷിച്ചിടത്തോളം ഒന്നു രണ്ട് ബ്ലോഗ്ഗർമാർ നേരത്തേ തന്നെ കടമായി നൽകാമെന്ന് പറഞ്ഞ തുകപോലും ചെലവായി പോയാലോ എന്ന് കരുതി വാങ്ങാതിരിക്കുകയാണ്. മുഴുവൻ തുകയും കണ്ടെത്തിയ ശേഷം എല്ലാം ഒരുമിച്ച് വാങ്ങി അടയ്ക്കാമെന്ന് പറഞ്ഞിരിക്കുകയാണ്.

പിന്നെ ചിലർക്കെല്ലാം ഇതിൽ പറയുന്ന ബ്ലോഗ്ഗറെ മനസിലായിട്ടുണ്ടെന്ന് അറിയാൻ കഴിഞ്ഞു. അത് ഇവിടെയും മറച്ചു വയ്ക്കാൻ കഴിയില്ല.ഇത്രയുമായ സ്ഥിതിയ്ക്ക് തീർച്ചയായും അത് ക്രമേണ വെളിപ്പെടുത്തപെടും.ഉടൻ അത് വെളിപ്പെടുത്താതിരിക്കുന്നതിന്റെ കാരണം പിന്നാലെ പറയാം.അഥവാ അറിയാവുന്നവർ അത് സുഹൃത്തുക്കളോട് ഫോണിൽ പറയുക.വിളിച്ച് തിരക്കേണ്ടവർ തിരക്കിക്കൊള്ളുക.ഒരു ആശ്വാസ വാക്കെങ്കിലും അദ്ദേഹത്തോട് പറയാൻ കഴിഞ്ഞാൽ നല്ലതുതന്നെ!

ഈ പോസ്റ്റിനോട് ഇതിനകം ക്രിയാത്മകമായി പ്രതികരിച്ചവരോട് നന്ദിയുണ്ട്.

അനില്‍കുമാര്‍ . സി. പി. said...

ഏതെന്കിലും ഒരു കോമൺ അക്കൌണ്ട് നമ്പർ കിട്ടിയാൽ അറിയിക്കൂ, കഴിയുന്ന സഹായം ഞാനും ചെയ്യാം.

രമേശ്‌ അരൂര്‍ said...

സജിം .Still You are beating around the bush..
എത്രപേരായി അദ്ദേഹത്തിന്‍റെ അക്കൌണ്ട് നമ്പര്‍ ചോദിക്കുന്നു ..ഇനിയും പതം പറഞ്ഞിരിക്കാതെ കാര്യത്തിലേക്ക് കടക്കൂ ..

സുനില്‍ said...

അക്കൗണ്ട്‌ നമ്പര്‍ അല്ലെങ്ങില്‍ പണം അയകണ്ട
മേല്‍വിലാസം അയച്ചാല്‍ കഴിയുന്ന സഹായം
ചെയ്യാം..
സുനില്‍
www.loveingulf.blogspot.com

Sabu Hariharan said...

ചുരുക്കത്തിൽ ഹൗസ്‌ ലോൺ ഒരു ലക്ഷം രൂപയ്ക്ക്‌ പകരം മൂന്നു ലക്ഷം രൂപയെടുത്തു. അതും ഗൃഹനിർമ്മാണം എന്നും പറഞ്ഞ്‌ ബിസിനസ്‌ വിപുലീകരിക്കാൻ. ശരിയല്ലേ?
അപ്പോൾ എവിടെയാണ്‌ തെറ്റ്‌ പറ്റിയതെന്ന് പറയേണ്ടതില്ലല്ലോ?
അതു മാത്രമല്ല, വീട്ടാൻ മറ്റു കടങ്ങൾ ഉള്ളപ്പോൾ ബാങ്ക്‌ ലോണിനു പോവുകയും ചെയ്തു. ശരിയല്ലേ?

അപ്പോൾ ഇതൊക്കെ സ്വയം വരുത്തിവെച്ചതാണ്‌ എന്നു പറയേണ്ടി വരും? എന്നിട്ട്‌ ബ്ലോഗ്‌ വഴി സഹായം ചോദിക്കുന്നു. എവിടെയാണ്‌ ശരി?

ഞാനെന്തെങ്കിലും വിട്ടു പോയോ?
ഇത്‌ ഇങ്ങനെ ആയില്ലെങ്കിൽ പിന്നെ എങ്ങനെ ആവും എന്നാണ്‌ എനിക്ക്‌ ചോദിക്കാനുള്ളത്‌!

എല്ലാവരും അധ്വാനിച്ചു തന്നെയാണ്‌ കാശുണ്ടാക്കുന്നത്‌.

എനിക്ക്‌ വീടു വാങ്ങാൻ സാമ്പത്തിക ശേഷി ഇല്ലാതിരുന്നപ്പോൾ, വാടക വീട്ടിൽ താമസിച്ചു. അനാവശ്യ ചിലവുകൾ ഒഴിവാക്കി, സമ്പാദിച്ചു. വർഷങ്ങൾക്ക്‌ ശേഷം ലോണിനു പോകാതെ വീടു വാങ്ങി. ഇവിടെയും അതല്ലേ ശരിയായ മാർഗ്ഗം?

yousufpa said...

ആളെ എനിയ്ക്കും നന്നായിട്ടറിയാം..ഇന്നും ഞാൻ അയാളുമായി സംസാരിച്ചു.എന്നിട്ടും തന്റെ പ്രയാസങ്ങളെ മൂടിവയ്ക്കുകയാണ്‌.ഞാനൊരു ജോലി വാഗ്ദാനം ചെയ്തു.ഒരു വർഷത്തിന്‌ അവിടന്ന് വിട്ട് നില്ക്കാൻ പറ്റില്ല.എന്നു പറഞ്ഞൊഴിഞ്ഞൂ.

sm sadique said...

വളരെ നല്ല ലക്ഷ്യം . വളരെ നല്ല ശ്രമം . ഹാഷിമേ ഒരു ചെറിയ സഹായം എന്നിൽ നിന്നും പ്രതീക്ഷിക്കാം.

രമേശ്‌ അരൂര്‍ said...

@@ സാബു >അത് കൊണ്ട് താങ്കള്‍ സഹായിക്കില്ല ,സഹായ മനസ്ഥിതി ഉള്ളവരെ തത്വം പറഞ്ഞു പിന്തിരിപ്പിക്കുകയും ചെയ്യുന്നു,അല്ലെ ? അങ്ങനെയല്ലേ ? ത്യാന്കള്‍ക്ക് ഒന്നും ചെയ്യാന്‍ കഴിയില്ല എങ്കില്‍ കുറഞ്ഞ പക്ഷം മിണ്ടാതെയെങ്കിലും ഇരുന്നു കൂടെ ? കഷ്ടം തന്നെ! ..തെറ്റുകള്‍ സംഭവിക്കാത്ത മനുഷ്യര്‍ ആരാണ് ഉള്ളത് ? താങ്കളെ പോലെ ഈ ലോകത്തെ മുഴുവന്‍ ആളുകളും പ്രവര്‍ത്തിച്ചിരുന്നു എങ്കില്‍ എന്താകുമായിരുന്നു സ്ഥിതി ? അത് പറഞ്ഞിട്ട് കാര്യമുണ്ടോ ? താങ്കള്‍ ശുദ്ധഗതിക്കായിരിക്കും അഭിപ്രായം പറഞ്ഞത് ..പക്ഷെ പഴമക്കാര്‍ പറഞ്ഞത് ഓര്‍മയില്ലേ " ശുദ്ധന്‍ ദുഷ്ടന്റെ ഫലം ചെയ്യും "എന്ന് .

ശ്രീക്കുട്ടന്‍ said...

രമേശേട്ടാ,

അവശതയനുഭവിക്കുന്നവര്‍ക്ക് തങ്ങളാല്‍ കഴിയുന്ന സഹായം നല്‍കുന്നതില്‍ യാതൊരു തെറ്റുമില്ല. പിന്നെ താങ്കള്‍ സാബുവിനെ കുറ്റപ്പെടുത്തിയതിനോട് ഒട്ടും യോജിപ്പില്ല എന്നറിയിക്കുന്നു. സാബു പറഞ്ഞത് ഒരു സത്യം മാത്രമാണ്. ഇഷ്ടമുള്ളവര്‍/ താല്‍പ്പര്യമുള്ളവര്‍ സഹായിക്കട്ടെ . അതിനൊരു കുഴപ്പവുമില്ല. പിന്നെ താങ്കള്‍ തന്നെ കുറേയേറെ പ്രാവശ്യം അക്കൌണ്‍റ്റ് നമ്പര്‍ ചോദിച്ചിട്ട് ആരും ഒന്നും നല്‍കിയിട്ടില്ലല്ലോ...ലേഖകന്‍ മനപ്പൂര്‍വ്വമാണോ അതു തരാതിരിക്കുന്നത്...

ശ്രീജിത് കൊണ്ടോട്ടി. said...

ഇവിടെ സൂചിപ്പിച്ച ബ്ലോഗ്ഗര്‍ ആരാണെന്ന് വ്യക്തമായി മനസ്സിലായിട്ടില്ല. കഷ്ടപ്പെടുന്നവരെ സഹായിക്കുന്നതില്‍ സന്തോഷമേ ഉള്ളൂ.. അക്കൌണ്ട് നമ്പരും, മറ്റു വിവരങ്ങളും തന്നാല്‍ തീര്‍ച്ചയായും സഹായം എത്തിക്കാന്‍ കഴിയും...

Muralee Mukundan , ബിലാത്തിപട്ടണം said...

നല്ല കാര്യമായി മാഷെ
നമ്മൾ സഹായിക്കാൻ കഴിവുള്ള കുറച്ച് ബൂലോകർ വിചാരിച്ചാൽ തീരുന്നകാര്യമേ ഉള്ളൂ..ഇത്


എന്റെ പേരിൽ സൈതകം ബുക്കിൽ നിന്നും ഈ ആവശ്യത്തിലേക്ക് ഒരു വീതം കൈപറ്റി കൊള്ളൂ കേട്ടൊ കൂട്ടരെ

Areekkodan | അരീക്കോടന്‍ said...

ഈ ബ്ലോഗറെ എനിക്കും കൃത്യമായി അറിയാം.സഹായം എനിക്കെത്തിച്ചു തന്നാ‍ല്‍(അക്കൌണ്ട് വഴി തന്നെ) കൈമാറാന്‍ തയ്യാറാണ്.ഞാനും എന്റെ വിഹിതം നേരിട്ട് എത്തിക്കാന്‍ ഉദ്ദേശിക്കുന്നു.

ZX Music said...

@ സാബു,... കള്ള സുവര്‍ സഹായിക്കാന്‍ മനസ്സില്ലെങ്കില്‍ വേണ്ടാ ... അത് ചെയ്യുന്നവരെ തത്വം പറഞ്ഞു പിന്തിരിപ്പിക്കുന്നോ. എവിടെ പോയാലും കാണാം ഇത് പോലെ കുറച്ച് പേരെ. "പോയി ഉന്‍ മാമിക്ക് മാവാട്ടുന്ന പനിയെ പാര് " (സാഗര്‍ എല്യാസ് ജാക്കി )
അക്കൌണ്ട് നമ്പരും മറ്റു വിവരങ്ങളും ഇങ്ങെടുക്ക്‌ നമുക്ക് നോക്കാന്നു .....

വെഞ്ഞാറന്‍ said...

കണ്ണീര്‍ച്ചാലിന്റെ കരയില്‍ നിന്നും ... ഹൃദയപൂര്‍വ്വം...

SHANAVAS said...

സജിം ഭായിയുടെ ഈ പോസ്റ്റിനു ഒരായിരം നന്ദി...നമ്മുടെ ഇടയില്‍ സന്മനസ്സുള്ള ആളുകള്‍ വേണ്ടുവോളം ഉണ്ട് എന്ന് മനസ്സിലായല്ലോ...ഒരാള്‍ ഇപ്പോള്‍ സ്വയം മുന്നോട്ടു വന്നിരിക്കുന്നു...പണം ഒന്നിച്ചു ചേര്‍ത്ത് വേണ്ടത് പോലെ ചെയ്യാന്‍..ആര്‍ക്കും ഇപ്പോഴും വരാവുന്ന അവസ്ഥയാണ് ഇത്...ഈ ബ്ലോഗറെ നേരിട്ട് അറിയാം..എന്റെ സഹായം നേരിട്ട് എത്തും.

ആചാര്യന്‍ said...

ഇത്രയും ആയ സ്ഥിതിക്ക് പലതുള്ളി പേര് വെള്ളം..സാബുവേട്ടന്‍ ഒഴിച്ച് എന്തേ..ഹഹ അപ്പോള്‍ നമ്പര്‍ തരൂ..ഒരു ചെറിയ സഹായം കുറെ പേര്‍ ചെയ്‌താല്‍ ഒരു കുടുംബം രക്ഷപ്പെടുന്നെന്കില്‍ രക്ഷപ്പെടട്ടെന്നെ എന്തേ അതെന്നെ സാബുവേട്ടോ

രമേശ്‌ അരൂര്‍ said...

സഹായിക്കാന്‍ താല്പര്യമുള്ളവര്‍ ഹാഷിമിന്റെ മെയിലിലോ ഫോണ്‍ നമ്പറിലോ തന്നെ ബന്ധപ്പെടുക ..മറ്റു വിവരങ്ങള്‍ ഹാഷിം പറയും ..

ഇ.എ.സജിം തട്ടത്തുമല said...

തീർച്ചയായും ഹാഷിമിനാണ് ഇതിൽ നേതൃത്വപരമായ പങ്ക് വഹിക്കുവാൻ കഴിയുക. എനിക്കറിയാവുന്നതിലുമപ്പുറം ഈ വിഷയം അറിയാവുന്നതും പറയാൻ കഴിയുന്നതും ആയ ഒരാളാണ് ഹാഷിം.ഹാഷിമിനെ വിളിക്കുക. എന്റെ സമയവും സാഹചര്യങ്ങളുമെല്ലാം ഹാഷിമിനോട് ഞാൻ പറഞ്ഞിട്ടുമുണ്ട്. എന്നാൽ നമ്മെക്കൊണ്ട് കഴിയുന്ന സഹയങ്ങൾ ചെയ്യുകയും ചെയ്യും.

ഇ.എ.സജിം തട്ടത്തുമല said...

യൂസഫ്പായുടെ ആത്മാർത്ഥതയിൽ എനിക്ക് അഭിമാനമുണ്ട്. അദ്ദേഹത്തിന്റെ ഓഫ്ഫർ എന്തുകൊണ്ടോ നിരസിക്കപ്പെട്ടുവെങ്കിലും.

ഇ.എ.സജിം തട്ടത്തുമല said...

നിർദ്ദോഷമായ ഒരു ചിന്തയിൽ ഞാനിട്ട പോസ്റ്റിന്റെ പ്രതികരണം എന്ന സഹായ ഹസ്തവുമായി നിൽക്കുന്ന എല്ലാവർക്കും നന്ദി. ഞാൻ പോലും അതൊന്നും പ്രതീക്ഷിച്ചില്ല. എന്റെ പോസ്റ്റിനും മുമ്പേ ഈ കാര്യത്തിൽ ഇടപെട്ടവർക്കും നീട്ടിയവർക്കും നന്ദി.എല്ലവാരും നന്നായി ഇരിക്കട്ടെ എന്നു മാത്രം ആഗ്രഹിക്കുന്നു.

ഇ.എ.സജിം തട്ടത്തുമല said...

എന്റെ പോസ്റ്റിന് ഇങ്ങനെ ഒരനുബന്ധം കമന്റ് ചെയ്യേണ്ടതുണ്ടെന്ന് തോന്നുന്നു.

ഞാൻ ഈ പോസ്റ്റ് എഴുതുമ്പോൾ ആദ്യം ഒരു ബ്ലോഗ്ഗറാണെന്ന് എവിടെയും സൂചിപ്പിച്ചിരുന്നില്ല. എനിക്ക് അറിയാവുന്ന ഒരു വ്യക്തിയുടെ ജീവിതാനുഭവം എന്ന നിലയിലാണ് അത് എഴുതിയത്. എന്നാൽ പിന്നീട് വായിച്ചു നോക്കുമ്പോൾ പല ബ്ലോഗർമാർക്കും ഇതിലെ മുഖ്യ കഥാപാത്രത്തെ മനസിലാകുന്ന വാചകങ്ങൾ അതിൽ വന്നു പോയിരിക്കുന്നു. അവ ഒഴിവാക്കാനും വയ്യ. പിന്നെ അത് എഡിറ്റ് ചെയ്ത് ഒരു ബ്ലോഗ്ഗറുടെ ജീവിത പ്രതിസന്ധി എന്ന നിലയിൽ തന്നെ തിരുത്തി എഴുതുകയായിരുന്നു. കടം കടന്നുവരുന്ന വഴികൾ എന്നാണ് ആദ്യം ടൈറ്റിൽ ചെയ്തത്. പിന്നെ അത് മാറ്റി ജപ്തിഭീഷണിയിൽ ഒരു ബ്ലോഗ്ഗർ എന്നാക്കുകയായിരുന്നു. അതായിരിക്കണം മിക്കവാറും ഇത്രയുമാളുകൾ ഈ പോസ്റ്റ്ലേയ്ക്ക് വരാൻ കാരണം.

ഒരാളുടെ ജീവിതാനുഭവം പകർത്തി വയ്ക്കുക എന്നതിനപ്പുറം ഒരുദ്ദേശ്യമൊന്നും ഉണ്ടായിരുന്നില്ല. എങ്കിലും ഉള്ളിന്റെയുള്ളിൽ ആവശ്യമെങ്കിൽ എന്റെ ജീവിതം ദാ ഇതിലുണ്ട് എന്നൊരു ലിങ്ക് ആർക്കെങ്കിലും നൽകാൻ അദ്ദേഹത്തിന് കഴിയട്ടെ എന്നു കരുതിയാണ് അദ്ദേഹം അറിയാതെ ഇതൊരു പോസ്റ്റാക്കിയത്. സത്യത്തിൽ ആളുടെ അക്കൊണ്ട് നംബർ നൽകാത്തതിൽ ചിലർ വയലന്റാകുക പോലും ചെയ്തു. തന്റെ ഇപ്പോഴത്തെ അവസ്ഥയിൽ ആ അക്കൌണ്ട് നംബരിലേയ്ക്ക് പണം സ്വീകരിക്കുവാൻ തന്നെ മടിക്കുകയാണ്. മറ്റുവഴിയിൽ അത് ചെലവായി പോയാലോ എന്ന ചിന്തയാകണം. പോസ്റ്റിട്ട ഈയുള്ളവന്റെ പേരിലാകട്ടെ നിലവിൽ ബാങ്ക് അക്കൌണ്ടുകൾ ഒന്നുമില്ല താനും. ഞങ്ങൾ നാലഞ്ചു ബ്ലോഗ്ഗർമാർ സംഘടിച്ച് ഒരു ചെറിയ സഹായം നൽകണമെന്ന് ഉദ്ദേശിക്കുന്നുണ്ട്. കടമായിട്ടായാലും അല്ലാതെ ആയാലും.

എന്നാൽ എന്നെ സംബന്ധിച്ച് ഇപ്പോൾ സഹായ ഹസ്തങ്ങൾ വച്ചു നീട്ടുന്നവരെ ഒന്നു കോ-ഓർഡിനേറ്റ് ചെയ്യാൻ കഴിയാത്ത സ്ഥിതിയുണ്ട്. ആരെങ്കിലും അങ്ങനെ ഒന്ന് നേതൃത്വം നൽകിയാൽ സമ്പൂർണ്ണസഹകരണം നൽകും. മാത്രവുമല്ല ബൂലോകത്ത് ഇങ്ങനെ എന്തെങ്കിലും കോ-ഓർഡിനേറ്റ് ചെയ്ത പരിചയവുമില്ല.

പിന്നെ ശ്രീ സാബു എം.എച്ച് പറഞ്ഞതിനെക്കുറിച്ചാണ്. അദ്ദേഹത്തിന്റെ മനസിൽ തോന്നിയത് അതുപോലെ തുറന്നു പറഞ്ഞതിൽ തെറ്റു പറയുന്നില്ല. ജീവിതത്തിൽ സാമ്പത്തിക അച്ചടക്കം വേണ്ടത്ര പാലിക്കാത്തതാണ് നല്ലൊരു പങ്ക് ആളുകളെയും കട ബാദ്ധ്യതകളിലേയ്ക്ക് നയിക്കുന്നത് എന്നതിൽ യാഥാർത്ഥ്യത്തിന്റെ അംശം ഇലാതില്ല; എങ്കിലും വന്നുപോയാൽ എന്തു ചെയ്യും? വന്നതിനെ അതിജീവിച്ച് അതൊരു അനുഭവപാഠമാക്കണം. ആ സമയത്ത് അവരെ നമ്മൾ ആശ്വസിപ്പിക്കുകയല്ലാതെ കുറ്റം പറയുന്നത് ശവത്തിൽ കുത്തുന്നതിനു തുല്യമാണ് എന്നാണ് എന്റെ അഭിപ്രായം. പക്ഷെ അതങ്ങനെ തന്നെ പറയണമെന്നുള്ളവർ തുറന്നു പറയുന്നത് അവരുടെ ഇഷ്ടം എന്നേ പറയാനുള്ളൂ. ഞാൻ അതിലൊന്നും കുറ്റം പറയുന്നില്ല. താങ്കൾ പ്രതികരിച്ചല്ലോ. അതുതന്നെ വലിയ കാര്യം.

അബദ്ധങ്ങളിൽ ചെന്നു ചാടുന്നവർ എപ്പോഴും അന്യരായിരിക്കില്ല. ചിലപ്പോൾ നമ്മൾ തന്നെ ആയി പോകും. എനിക്കുണ്ട് ഇത്തരം അനുഭവങ്ങൾ. താങ്ങി നിർത്താൻ ആളുകളുണ്ടായതുകൊണ്ട് അതിജീവിച്ചു. പ്രതിസന്ധികളെ ഒറ്റയ്ക്ക് അതിജീവിക്കുവാൻ എല്ലായ്പോഴും എല്ലാവർക്കും കഴിയണം എന്നില്ല.

ഞാൻ ഈ പോസ്റ്റ് ഇടാൻ കാരണം സമാനതകളില്ലാത്ത ചില സാമ്പത്തിക പ്രതിസന്ധികളിലൂടെയും കടബാദ്ധ്യതകളുടെയും കടന്നു പോയ അനുഭവം ഉള്ളതിനാലാണ്. ഞാൻ ആരോടും പറഞ്ഞില്ലെങ്കിലും ആരൊക്കെയോ പറഞ്ഞ് പ്രവാസികളായ എന്റെ അടുത്ത ബന്ധുക്കൾ അറിയുകയും അവർ എന്നെ നന്നായി പിടിച്ചു നിർത്തുകയും ചെയ്തു. അതുകൊണ്ട് ഒരു പരിധിവരെ ഞാനന്നു നിന്നുപറ്റി. ഒരു പക്ഷെ അന്ന് അവരാരും സഹായിച്ചില്ലായിരുന്നെങ്കിൽ ആത്മഹത്യ ചെയ്യുമായിരുന്നോ എന്നു ചോദിക്കാം. ഇല്ലായിരുന്നു. ഏതു വിധേനയും വീണ്ടും ചില കടങ്ങൾ മറിച്ച് അതിജീവനത്തിനു ശ്രമിച്ചേനേ. അല്ലെങ്കിൽ എന്റെ ഉമ്മയുടെ പേരിൽ ഭാവിയിൽ എനിക്കുവേണ്ടി ഇപ്പോഴും കരുതി ഇട്ടിരിക്കുന്ന ഒരു തുണ്ട് ഭൂമി കൂടി നഷ്ടമായേനേ. അതുമുണ്ടായിരുന്നില്ലെങ്കിലോ എന്ന ചോദ്യം പിന്നെയും വരുന്നുണ്ട്.അങ്ങനെ നമുക്ക് ചോയങ്ങളിലേയ്ക്ക് പോയാൽ അന്തമില്ല. ചിലപ്പോൾ അന്ന് നിക്കക്കള്ളിയില്ലാതെ ഇപ്പോഴത്തേതിൽ നിന്നും വ്യത്യസ്തമായ മറ്റേതെങ്കിലും തൊഴിൽമേഖലയിലും ചെന്നെത്തിയേനേ.അതും കിട്ടിയിരുന്നില്ലെങ്കിലോ? അങ്ങനെയൊക്കെ ചോദിച്ചാൽ ഉത്തരമില്ല. അങ്ങനെ ഒന്നും സംഭവിച്ചില്ലല്ലോ എന്നു മാത്രം പറയാനേ പറ്റൂ.

പക്ഷെ നിലവിൽ ഉണ്ടായിപ്പോയ കടങ്ങൾ തീർക്കാൻ പലിശക്കടങ്ങൾ പിന്നെയും വാങ്ങുകയോ അനല്പാമായുള്ള ആസ്തികൾ വിറ്റു തുലയ്ക്കുകയോ അല്ലാതെ മാർഗ്ഗമില്ല. ഇതൊക്കെ എല്ലാവരുടെ ജീവിതത്തിലും സംഭവിക്കുന്നതാണ്. സമാനമായ ഒരു ജീവിതവസ്ഥ ഒരു സുഹൃത്ത് അനുഭവിക്കുന്നത് കാണുമ്പോൾ തോന്നുന്ന ഒരു മനോ വിഷമം. അതാണ്, അത അത് മാത്രമാണ് ഈ പോസ്റ്റ് എഴുതാനുള്ള പ്രേരണ. അത് കടന്ന കൈയ്യായി പോയി എന്ന് ആർക്കെങ്കിലും തോന്നുന്നുവെങ്കിൽ ക്ഷമ ചോദിക്കുന്നില്ല, കാരണം എനിക്കങ്ങനെ തോന്നാത്തതു തന്നെ!

ഇ.എ.സജിം തട്ടത്തുമല said...

മനസിലിരുന്ന് വിങ്ങുന്ന അക്ഷരങ്ങളെ പുറത്ത് വിടേണ്ടത് എന്റെ മനസിന്റെ ആരോഗ്യ നില വീണ്ടെടുക്കുന്നതിനും ഒരാവശ്യമായിരുന്നു. അങ്ങനെ മനസിൽ ഇരുന്ന് വിങ്ങുന്ന അക്ഷരങ്ങൾ ശിഥിലമായിട്ടെങ്കിലും നാം ചേർത്തു വയ്ക്കുമ്പോഴാണല്ലോ അവയ്ക്ക് അർത്ഥങ്ങൾ ഉണ്ടാകുന്നത്. ഇവിടെ ഈ പോസ്റ്റിൽ ഞാൻ കോറിയിട്ട വാക്കുകൾക്ക് അല്പമെങ്കിലും അർത്ഥമുണ്ടായി എന്നറിയുന്നതിൽ ചാരിതാർത്ഥ്യമുണ്ട്.

സുറുമി ചോലയ്ക്കൽ said...

സജിം, എന്റെ അഭിപ്രായം ഞാനെഴുതിയിരുന്നു. അതു സ്പാമിൽ പോയതായി മനസ്സിലാക്കുന്നു. അതോ ഡിലീറ്റു ചെയ്തോ..?
ഞാൻ തെറ്റൊന്നും പറഞ്ഞില്ലല്ലോ....?

ഇ.എ.സജിം തട്ടത്തുമല said...

ഞാൻ ഡിലീറ്റ് ചെയ്തില്ല. ഞാൻ ഈ പോസ്റ്റ് ഇട്ട ശേഷം ഇപ്പോഴാണ് ഇവിടെ വന്നു നോക്കാൻ പറ്റിയത്.

അത് മെയിലിൽ എനിക്ക് കിട്ടി. ഞാൻ മറുപടി അയച്ചിരുന്നു. അത് ഒന്നു കൂടി പബ്ലിഷ് ചെയ്യൂ.

ഇ.എ.സജിം തട്ടത്തുമല said...

ലീനാസ് എഴുതിയ കമന്റാണിത്;മെയിലിൽ വന്നു. പക്ഷെ ഇവിടെ എന്തുകൊണ്ടോ എത്തിയില്ല.

ലീനാസ് പറഞ്ഞു:

ചുരുക്കത്തിൽ ഹൗസ്‌ ലോൺ ഒരു ലക്ഷം രൂപയ്ക്ക്‌ പകരം മൂന്നു ലക്ഷം രൂപയെടുത്തു. അതും ഗൃഹനിർമ്മാണം എന്നും പറഞ്ഞ്‌ ബിസിനസ്‌ വിപുലീകരിക്കാൻ. ശരിയല്ലേ?
അപ്പോൾ എവിടെയാണ്‌ തെറ്റ്‌ പറ്റിയതെന്ന് പറയേണ്ടതില്ലല്ലോ?
അതു മാത്രമല്ല, വീട്ടാൻ മറ്റു കടങ്ങൾ ഉള്ളപ്പോൾ ബാങ്ക്‌ ലോണിനു പോവുകയും ചെയ്തു. ശരിയല്ലേ?

അപ്പോൾ ഇതൊക്കെ സ്വയം വരുത്തിവെച്ചതാണ്‌ എന്നു പറയേണ്ടി വരും? എന്നിട്ട്‌ ബ്ലോഗ്‌ വഴി സഹായം ചോദിക്കുന്നു. എവിടെയാണ്‌ ശരി?

പ്രിയ സാബു എം എച്ച്,
താങ്കൾക്ക് ഇത്ര കൃത്യമായ വിവരം എങ്ങനെ കിട്ടി. തീർച്ചയായും താങ്കൾ ഇവിടെയെങ്ങും ഇരിക്കേണ്ടയാളല്ല. സായിപ്പന്മാർ കണ്ടാൽ താങ്കളെ റാഞ്ചിയേക്കാം ! എന്തായാലും ഒന്നും അറിയാതെയുള്ള ഈ പ്രസ്താവന വല്ലാത്ത കഷ്ടമായിപ്പോയി.

എനിക്ക് ബ്ലോഗില്ല. ഉള്ളത് ഒരു ബ്ലോഗ് പ്രൊഫൈൽ മാത്രവും. അതാകട്ടെ അദ്ദേഹം ക്രിയേറ്റീവ് ചെയ്തു തന്നതും. അഭിപ്രായങളെഴുതാൻ ഒരു പ്രൊഫൈൽ നല്ലതാണെന്ന് അദ്ദേഹം പറഞ്ഞതാണ്. കാലമേറെയായില്ല ഞാൻ ബ്ലോഗുവായന തുടങ്ങിയിട്ട്. അദ്ദേഹം തന്നെയാണ് താങ്കളുടേതടക്കമുള്ള ബ്ലോഗുകൾ എനിക്ക് പരിചയപ്പെടുത്തിത്തന്നത്. വളരെക്കുറച്ചുകാലത്തെ പരിചയം കൊണ്ട് കുറേയധികം ബ്ലോഗർമാരെ പരിചയപ്പെടാനും മിക്കവരുമായും നല്ല ചങ്ങാത്തത്തിലാവാനും എനിക്കു സാധിച്ചിട്ടുണ്ട്. എനിക്ക് നേരിട്ട് അറിയാവുന്നവരിൽ ഏറ്റവും നല്ല ഒരു മനുഷ്യ സ്നേഹിയായിട്ടാണ് അദ്ദേഹത്തെ എനിക്ക് അനുഭവപ്പെട്ടിട്ടുള്ളത്. താങ്കൾ പറഞ്ഞതുപോലെ അദ്ദേഹം ഹൗസിംഗ് ലോൺ എടുത്തിട്ടില്ല. അദ്ദേഹത്തിനു വീടുമില്ല. വീടുവെക്കാൻ അടിസ്ഥാനമിട്ടിട്ട് നാലുകൊല്ലത്തിലേറെക്കഴിഞ്ഞു. ആപത്തിൽ അദ്ദേഹത്തെ സഹായിച്ച സുഹൃത്തിനേയും കുടുംബത്തെയും കൂട്ട ആത്മഹത്യയിൽ നിന്ന് രക്ഷപ്പെടുത്താൻ അദ്ദേഹത്തിന് ആവശ്യമുള്ള തുകയിൽ കൂടുതൽ ബാങ്ക്‌ലോൺ എടുത്തിരുന്നു എന്നത് നേര്. ആ കടം കിട്ടാക്കടമായി അങ്ങനെതന്നെ നിലനിൽക്കുന്നുമുണ്ട്. നിസ്സഹായരായ അവരെ അദ്ദേഹം ബുദ്ദിമുട്ടിക്കുന്നില്ല എന്നത് അദ്ദേഹം ചെയ്യുന്ന സുകൃതം. അവർകാരണമാണല്ലോ ഈ ഗതി അദ്ദേഹത്തിനു വന്നതെന്ന വിഷമത്തിൽ പകച്ചുനിൽക്കുന്നവരെ സാന്ത്വനിപ്പിക്കുന്ന ചങ്ങാതിയെയാണ് അദ്ദേഹത്തിൽ എനിക്കു കാണാൻ കഴിഞ്ഞത്. ഇപ്പോഴും അദ്ദേഹം ചെയ്തുകൊണ്ടിരിക്കുന്ന ആരോഗ്യ ജീവൻ രക്ഷാരംഗത്തെ സേവനമടക്കമുള്ള നല്ല കാര്യങ്ങൾ താങ്കൾക്കൊരുപക്ഷേ അറിയുന്നുണ്ടാവില്ല. അദ്ദേഹം സാബുവിനോടടക്കം സഹായം ചോദിച്ചതായുള്ള പോസ്റ്റുകൾ എവിടെയും ഞാൻ കണ്ടില്ല. അദ്ദേഹത്തെ കുറച്ചെങ്കിലും മനസ്സിലാക്കിയ സുഹൃത്തുക്കൾ സഹായിക്കാൻ (സൗജന്യമായല്ല, കടമായി മാത്രം) തയ്യാറായെങ്കിൽ താങ്കൾക്ക് എന്താണ് പ്രശ്നമെന്നു മനസ്സിലാവുന്നില്ല. സഹായിച്ചില്ലെകിലും ദ്രോഹിക്കരുതെന്ന് മാത്രമേ താങ്കളോട് പറയാനുള്ളു. തുടർന്നും കടം വാങ്ങാതെ ജീവിക്കാൻ താങ്കൾക്കു കഴിയട്ടെ.

മറ്റു ബ്ലോഗർ സുഹൃത്തുക്കളോട്,
ആരുടേയും സഹായമില്ലാതെ തന്നെ അദ്ദേഹത്തിന്റെ ബാധ്യതകൾ തീർക്കാനുള്ള വിദൂര സാധ്യതകൾ അദ്ദേഹത്തിനു മുൻപിൽ തെളിഞ്ഞു വരുന്നുണ്ട്. നിങ്ങളുടേയൊക്കെ പ്രാർത്ഥനയുണ്ടെങ്കിൽ അത് പെട്ടെന്നു തന്നെ സംഭവിക്കാം. ഒരുപക്ഷേ അതു തികയാതെ വന്നാൽ നമുക്ക് അദ്ദേഹത്തെ സഹായിക്കാം. ഈ നാട്ടിൽ ഞാൻ കണ്ടിട്ടുള്ളതിൽ വച്ച് ഏറ്റവും വലിയ മനുഷ്യ സ്നേഹിയെക്കുറിച്ച് മോശമായി എഴുതിക്കണ്ടപ്പോൾ പ്രതികരിച്ചുപോയതാണ്

ഷെരീഫ് കൊട്ടാരക്കര said...

പ്രിയപ്പെട്ടവരേ! ഇതില്‍ പറയുന്ന മഹാനുഭാവന്‍ ഇങ്ങിനെയൊരു സ്ഥിതിയിലാണെന്ന് നമ്മില്‍ പലര്‍ക്കും അറിയാം. പക്ഷേ ഈ സാധനം-അങ്ങിനെയേ അയാളെ ഞാന്‍ വിളിക്കൂ- തന്റെ പ്രശ്നം അവതരിപ്പിക്കുമ്പോള്‍ പോലും അല്‍പ്പം പോലും ദു:ഖമോ പരിഭ്രമമോ പ്രകടിപ്പിക്കാറില്ല.മാത്രമല്ല നാട്ടിലുള്ള ഏതൊരു ഹലാക്ക് ഉണ്ടെങ്കിലും നേരെ പോയി അത് തോളില്‍ എടുത്ത് വെച്ച് ചുമന്ന് കൊള്ളും. പരസഹായം മൂപ്പര്‍ക്ക് നിര്‍ബന്ധം.എല്ലാവരേയും സഹായിച്ച് കുപ്പിയിലാകുകയും ചെയ്യും. വേണ്ടി വന്നാല്‍ ക്രിമിനല്‍ കേസില്‍ കൂടി പ്രതി ആയിക്കൊള്ളും(പണമിടപാട് സംബന്ധമായ് ക്രിമിനല്‍ കേസ്) സ്വന്തം കാര്യത്തിനല്ല വല്ലോരുടെയും കാര്യത്തിന്. പൊതുക്കാര്യത്തിനാണെങ്കില്‍ പിന്നെ പറയുകയും വേണ്ട. എത്ര വേണെങ്കിലും ചിലവാക്കിക്കൊള്ളും, വീട്ടില്‍ കഞ്ഞി വെച്ചില്ലെങ്കിലും കുഴപ്പമില്ല. ഇതെല്ലാം കണ്ട് ഞാന്‍ ആദ്യം കരുതി ആള് ഒരു പണക്കാരനാണെന്ന്. പിന്നെയല്ലേ സജീം പറയുന്നത് പോലെ ജീവിതത്തിന്റെ ദുര്‍ഘട പാതയിലൂടെ കഷ്ടിച്ച് കടന്ന് പോകുന്ന ആളാണെന്ന് മനസിലാകുന്നത്..ഒരുത്തരുടെ മുമ്പിലും തല കുനിക്കില്ല ഇഷ്ടന്‍ . അതാണ് അദ്ദേഹത്തെ എനിക്ക് അത്രക്ക് ഇഷ്ടമാകുന്നത്. .ഒരു നല്ല സ്വഭാവമുണ്ട് കക്ഷിക്ക്, തന്റെ ജീവിത ബുദ്ധിമുട്ടുകള്‍ തുറന്ന് പറയും; പക്ഷേ പറയുന്നത് ഈ പോസ്റ്റില്‍ പറഞ്ഞത് പോലെ തമാശ പറയുന്നത് പോലെ പറഞ്ഞ് കളയും.ഒരു തവണ ഞാന്‍ പരിഭ്രമത്തോടെ ചോദിച്ചു.”പഹയാ ഇനി എന്ത് ചെയ്യും” അദ്ദേഹത്തിന്റെ മറുപടി”വരുന്നത് പോലെ വരട്ടേന്ന്”. ഇതാണ് ആള്‍.
ഏതായാലും എല്ലാവരുടെയും പ്രാര്‍ത്ഥനമൂലം അല്‍പ്പം രൂപ ഇപ്പോള്‍ ഒത്തു വന്നു. ഇനി നമ്മള്‍ കുറച്ച് പേര്‍ ഒത്ത് പിടിച്ചാല്‍ മൂപ്പരെ കരകയറ്റാം. തിരിച്ച് കൊടുക്കാമെന്ന വ്യവസ്തയില്‍ പണം പറ്റാന്‍ അദ്ദേഹം തയാറാണ്. പക്ഷേ ഇപ്പോള്‍ കയ്യിലുള്ള വസ്തു വിറ്റാല്‍ എല്ലാം തകരും. ആ കുടുംബത്തിന്റെ ഭാവി തകരാറിലാകും.നാം ചെയ്യേണ്ടത് രണ്ട് വര്‍ഷത്തിനുള്ളില്‍ തിരികെ തരാം എന്ന അദ്ദേഹത്തിന്റെ വാക്കോ വേണ്ടി വന്നാല്‍ അദ്ദേഹത്തിന്റെ ചെക്കോ സ്വീകരിച്ച് നമ്മുടെ കയ്യിലുള്ള തുക കടമായി കൊടുക്കുക.പല തുള്ളി പെരുവെള്ളം. കയ്യിലുള്ളത് നമ്മുടെ സഹോദരന് കടമായി കൊടുക്കുക.ഇപ്പോള്‍ അക്കൌണ്ട് നംബര്‍ തരാന്‍ തയാറായ അരീക്കോടന്‍ മാഷിനെ കണ്‍ വീനറാക്കി അദ്ദേഹത്തിന്റെ അക്കൌണ്ടിലേക്ക് പൈസാ അയക്കാന്‍ തീരുമാനിക്കുക.നമ്മുടെ മഹാനുഭാവന്‍ ആരാണെന്ന് അറിഞ്ഞേ തീരൂ എന്നുണ്ടെങ്കില്‍ ഹാഷിമിനെ വിളിക്കുക.
നോക്കൂ ഇവിടെ ഒരാളെ മാത്രമല്ല നമ്മള്‍ സഹായിക്കുന്നത്; ഒരു കുടുംബത്തെ മുഴുവന്‍ സഹായിക്കുകയാണ്.ഹാശിം ഈ കാര്യത്തില്‍ വേണ്ടി ഗൈഡ് ലൈന്‍സിനു എന്നെ വിളിച്ചിരുന്നു.ഞാന്‍ നമ്മുടെ കഥാനായകനുമായി ബന്ധപെട്ടു.അപ്പോഴാണു അദ്ദേഹം വായ്പാ വ്യവസ്ഥ മുമ്പോട്ട് വെച്ചത്. എങ്ങിനെയെങ്കിലും കഷ്ടപ്പെട്ട് രണ്ട് വര്‍ഷത്തിനുള്ളില്‍ എല്ലാ കടവും തീര്‍ക്കാന്‍ അദ്ദേഹത്തിനു കഴിയുമെന്ന ആത്മവിശ് വാസമാണ് അദ്ദേഹം പ്രകടിപ്പിച്ചത്. പിന്നീട് നമുക്ക് ആവശ്യമായിരുന്നത് ഒരു അക്കൌണ്ട് നമ്പറായിരുന്നു.അതിനും ഞാനും ഹാശിമുമായി ഒരു ചര്‍ച്ച നടന്നു.സഹോദരിയുടെ മരണവുമായി ബന്ധപ്പെട്ട ചില കര്‍മ്മങ്ങള്‍ക്കായി ആലപ്പുഴയിലായതിനാല്‍ വീട്ടില്‍ വന്ന് പോസ്റ്റ് കണ്ടിട്ട് അഭിപ്രായം പറയാമെന്ന് കരുതി. ഇതാ ഇവിടെ നമുക്ക് പ്രിയംകരനായ അരീക്കോടന്‍ മാഷ് സ്വമേധയാ മുന്നോട്ട് വന്നിരിക്കുന്നു. അദ്ദേഹത്തിന്റെ അക്കൌണ്ട് നമ്പര്‍ പ്രസിദ്ധപ്പെടുത്താന്‍ അപേക്ഷിക്കുന്നു. നമുക്ക് ഈ പദ്ധതി ഇപ്പോള്‍ തന്നെ തുടങ്ങാം.വൈകിയാല്‍ ഇരട്ടിക്ക് മീതെ തുക കണ്ടെത്തണം.

ഈ കുറിപ്പ് സജീമിന്‍: ആദര്‍ശം വിറ്റാല്‍ പൈസ്സാ കിട്ടില്ലാ എന്നതിനു 100 അടിയൊപ്പ്. അത് എന്തിനാണെന്ന് നേരില്‍ കാണുമ്പോള്‍ പറയാം.കഴുത കഴുത കഴുത എന്ന് എന്നെ എന്റെ ആള്‍ക്കാര്‍ വിളിക്കുന്നു.ആ കാരണവും കാണുമ്പോള്‍ പറയാം.

Sabu Hariharan said...

ഒരു സുഹൃത്ത്‌ പറഞ്ഞാണ്‌ ഇവിടെ വീണ്ടും വരുന്നത്‌.

സഹായിക്കേണ്ടെന്ന് ഞാൻ പറഞ്ഞോ?!
ഇനി അഥവാ ആരെങ്കിലും അങ്ങനെ പറഞ്ഞാൽ തന്നെ, സഹായിക്കാൻ വരുന്നവർ പിന്മാറുമോ? അത്രയേ ഉള്ളൂ സഹായ മനസ്ഥിതി?!

പോസ്റ്റു വായിച്ചു കഴിഞ്ഞ്‌ ആദ്യം തോന്നിയ ചിന്തയാണ്‌ എഴുതിയത്‌. പലർക്കും അങ്ങനെ തോന്നിയിട്ടുണ്ടാവും.

സാമ്പത്തിക വിഷമം അനുഭവിക്കുന്ന ആ ബ്ലോഗർ ആരെന്ന് അറിയില്ല.
അച്ചടക്കമില്ലാത്തത്‌ കൊണ്ട്‌ അങ്ങനെ സംഭവിച്ചു. ഞാനെഴുതിയതെല്ലാം ഈ പോസ്റ്റിൽ തന്നെ വായിച്ച കാര്യങ്ങൾ മുൻനിർത്തിയാണ്‌. അല്ലെന്ന് ആർക്കെങ്കിലും തോന്നുന്നുണ്ടെങ്കിൽ വീണ്ടും പോസ്റ്റ്‌ വായിക്കുക.

തന്റേതല്ലാത്ത തെറ്റു കൊണ്ട്‌ പലരും ഇതിനേക്കാൾ കൂടുതൽ കഷ്ടത അനുഭവിക്കുന്നുണ്ട്‌.
(രോഗം വന്നും, അപകടം സംഭവിച്ചും). നാട്ടിൽ തന്നെ രക്തം തേടി എത്ര പേർ ബ്ലഡ്‌ ബാങ്കുകളിൽ നെട്ടോട്ടമോടുന്നു. നിങ്ങളിൽ തന്നെ എത്ര പേർ അങ്ങനെയുള്ള ആവശ്യം നേരിട്ട്‌ കേട്ടിട്ടുണ്ടാവും? എത്ര പേർ അതിനൊക്കെ സഹായം ചെയ്തു കൊടുത്തിട്ടുണ്ടാവും?

നമ്മുടെ മുന്നിൽ മേൽ പറഞ്ഞതിനേക്കാൾ ഗൗരവമേറിയ പ്രശ്നങ്ങൾ വന്നിട്ടും തിരിഞ്ഞു പോലും നോക്ക്കത്ത ഒരു ഭൂരിപക്ഷം ഉണ്ട്‌.

ഈ സഹായ ഹസ്തം നീട്ടുന്നവർ അതിനേക്കുറിച്ചും ചിന്തിക്കുക.

സഹായം ചെയ്യണം എന്നുള്ളവർ (എല്ലാരും മനുഷ്യർ തന്നെ, എല്ലാരും സഹോദരങ്ങൾ തന്നെ)
തൊട്ടടുത്ത ആശുപത്രിയിൽ പോയി നോക്കുക. ക്യാൻസർ രോഗികളെ പോയി കാണുക. അനാഥരെ സഹായിക്കുക, സാമ്പത്തിക സഹായം ആവശ്യം വേണ്ടി വരുന്ന കുട്ടികളെ സഹായിക്കുക.

അല്ലാതെ, ഞാൻ പറയാത്ത കാര്യങ്ങളെ കുറിച്ച്‌ എന്നെ വെറുതെ കുറ്റം പറയരുത്‌!.
ആരോടും സഹായം ചെയ്യരുതെന്നോ, പിൻതിരിഞ്ഞു പോകണമെന്നോ ഞാൻ പറഞ്ഞിട്ടില്ല. അങ്ങനെ തോന്നുന്നവർ ഞാൻ മുൻപ്‌ എഴുതിയ കമന്റ്‌ ഒന്നു കൂടി മനസ്സിരുത്തി വായിക്കുക.
കുറച്ച്‌ ബ്ലോഗർമാരുടെ മുൻപിൻ നല്ല പിള്ള ചമയാൻ എനിക്ക്‌ ഒരു താത്പര്യവുമില്ല എന്നു കൂടി പറയട്ടെ.

വിഷമം അനുഭവിക്കുന്ന ബ്ലോഗർ വിഷമത്തിൽ നിന്നും കര കയറട്ടെ എന്നു ആത്മാർത്ഥമായി പ്രാർത്ഥിക്കുന്നു.

സുറുമി ചോലയ്ക്കൽ said...

ആ ബ്ലോഗറെക്കുറിച്ച് താങ്കൾ പ്രവചിച്ചിരിക്കുന്നതെല്ലാം ശരിയാണെന്ന് താങ്കൾ സമർത്ഥിക്കുന്നു. താങ്കൾ എഴുതിയ മുൻ കമന്റ് താങ്കൾതന്നെ ഒന്നുകൂടി വായിക്കൂ. എന്തൊക്കെയാ താങ്കൾ പ്രവചിച്ചിരിക്കുന്നതെന്നു നോക്കൂ. അതു ശരിയല്ലെന്നറിയാവുന്നവർ പ്രതികരിച്ചുവെന്നല്ലാതെ മറ്റെന്താണ് സംഭവിച്ചത്. താങ്കൾ ശ്രദ്ധിക്കണമെന്നുപറഞ്ഞ കഷ്ടപ്പെടുന്നവരുടെ മേഖലയിൽ മാത്രം അയാൾ പ്രവർത്തിക്കുന്നതിന്റെ നൂറിലൊരംശം നമ്മൾ പ്രവർത്തിക്കുന്നുണ്ടാവില്ല. ഇപ്പോഴുണ്ടായ ഈ ബാധ്യതയും അയാൾക്കുവേണ്ടി ഉണ്ടായതല്ല. എഴുതി വിടുന്നതിനുമുമ്പ് ആരെയെങ്കിലും വിളിച്ച് ഒന്നന്വേഷിക്കാമായിരുന്നു.

മറ്റുള്ളവരോട്, ഇത്രയുമൊക്കെ സംസാരം ഉണ്ടായനിലക്ക് നിങ്ങളൊക്കെ നൽകുന്ന സഹായം അയാൾ കൈപ്പറ്റുമെന്ന് എനിക്കു തോന്നുന്നില്ല. അയ്യാളെ വിട്ടേക്കൂ, എങ്ങനെയെങ്കിലും ജീവിക്കട്ടെ.

ഇ.എ.സജിം തട്ടത്തുമല said...

ശ്രീ.ഷെറ്റ്രീഫ്ക്ക പറഞ്ഞതിൽ എല്ലാമുണ്ട്. ഞാനതത്രത്തോളം പറഞ്ഞില്ലെന്നേയുള്ളു. ഈ വിഷയത്തിൽ ഇടപെട്ട ഷെരീഫ്ക്കയ്ക്ക് നന്ദി.അരീക്കൊടൻ മാസറ്റർക്ക് പ്രത്യേകം നന്ദി. അരീക്കോടൻ മാസ്റ്ററുടെ അക്കൌണ്ട് നമ്പർ എല്ലാവരും പ്രതീക്ഷിക്കുന്നു.

ഇ.എ.സജിം തട്ടത്തുമല said...

ഓ, അക്കൌണ്ട് നംബർ എല്ലാവരും പ്രതീക്ഷിക്കുന്നു എന്നു പറഞ്ഞതിൽ വല്ല തെറ്റും ഉണ്ടോ എന്തോ! ഇക്കാര്യത്തിൽ എന്തെങ്കിലും ചെയ്യാൻ ആഗ്രഹിക്കുന്നവർ അരീക്കോടൻ മാഷിന്റെ അക്കൌണ്ട് നമ്പർ പ്രതീക്ഷിക്കുന്നു എന്ന് തിരുത്തി വായിക്കുക.

Sabu Hariharan said...

പ്രിയ ലീനാസ്‌,

"താങ്കൾക്ക് ഇത്ര കൃത്യമായ വിവരം എങ്ങനെ കിട്ടി. തീർച്ചയായും താങ്കൾ ഇവിടെയെങ്ങും ഇരിക്കേണ്ടയാളല്ല. സായിപ്പന്മാർ കണ്ടാൽ താങ്കളെ റാഞ്ചിയേക്കാം ! എന്തായാലും ഒന്നും അറിയാതെയുള്ള ഈ പ്രസ്താവന വല്ലാത്ത കഷ്ടമായിപ്പോയി."

പോസ്റ്റിൽ എഴുതിയ കാര്യമല്ലേ എനിക്കറിയാവൂ?.

പിന്നെ,
'..എന്തൊക്കെയാ താങ്കൾ പ്രവചിച്ചിരിക്കുന്നതെന്നു നോക്കൂ. ..'
ഞാൻ പ്രവചിച്ചെന്നോ?
എന്തു പ്രവചിച്ചു?! എന്റെ കമന്റുകളെല്ലാം ഒന്നു കൂടി വായിക്കൂ!!
ഞാൻ 'ശരിയല്ലേ?' എന്നു ചോദിക്കുക മാത്രമെ ചെയ്തിട്ടുള്ളൂ.

പോസ്റ്റിൽ തന്നെ പറഞ്ഞ കാര്യങ്ങൾ ഒന്നു കൂടി എടുത്തെഴുതുക മാത്രമെ ചെയ്തിട്ടുള്ളൂ. അൽപം കൂടി കൂടുതലായി പറഞ്ഞിട്ടില്ല.

താങ്കൾ പറഞ്ഞതു കേട്ടാൽ തോന്നും, സാമ്പത്തിക അച്ചടക്കം പാലിക്കാത്ത ബ്ലോഗറല്ല തെറ്റുകാരൻ, 'തെറ്റ്‌ സ്വയം വരുത്തി വെച്ചതാണ്‌' എന്ന് പറഞ്ഞ ഞാനാണെന്ന്!!

ധനത്തിനെ സ്നേഹിക്കുകയും ബഹുമാനിക്കുകയും ചെയ്താൽ തിരിച്ചും അങ്ങനെ ഉണ്ടാകും. ഇല്ലെങ്കിൽ ബുദ്ധിമുട്ടിലാകും.. അത്രയെ ഉള്ളൂ.

ഇതെക്കുറിച്ച്‌ കൂടുതൽ പറയാൻ ഞാൻ താത്പര്യപ്പെടുന്നില്ല.

സസ്നേഹം,
സാബു എം എച്ച്‌

ഇ.എ.സജിം തട്ടത്തുമല said...

ഈ പോസ്റ്റ് ഒരു ഡിബേറ്റ് വിഷ്യമൊന്നും അല്ലല്ലോ. ശ്രീ സാബു എം.എച്ച്. ചില അഭിപ്രായങ്ങൾ പറഞ്ഞു. അതിൽ അദ്ദേഹം ഉറച്ചു നിൽക്കുന്നു. ഇനി അതിന്റെ പേരിൽ തർക്കിക്കണോ? പൊതുജനം പലവിധം എന്നല്ലേ? ഓരോരുത്തരുടെ ചിന്തകളും പലവിധമാണ്. അത് ആരുടെയും കുറ്റമല്ല. ഇവിടെ ഷെരീഫ്ക്കാ വളരെ സത്യസന്ധമായി ഈ പോസ്റ്റിലെ കഥാനായകനെക്കുറിച്ച് പറഞ്ഞു കഴിഞ്ഞു. പല വിധത്തിലാണ് ആളുകൾ അബദ്ധങ്ങളിൽ ചെന്നു ചാടുന്നത്. ഇത് ഇങ്ങനെ ആയി പോയി. ആരെങ്കിലുമൊക്കെ അദ്ദേഹത്തിന് കടം കൊടുത്ത് സഹായിക്കുന്നെങ്കിൽ സഹായികട്ടെ.അതിന് ഈ പോസ്റ്റ് ഒരു നിമിത്തമാകുന്നുവെന്നേയുള്ളൂ. അറിയാത്ത ചിലർക്ക് കൂടി ഈ വിവരം അറിയാനും ബന്ധപ്പെടാനും കഴിയുകയും ചെയ്തു.

Typist | എഴുത്തുകാരി said...

ഇനി നമുക്കു വേണ്ടതു ചർച്ചയല്ല, പ്രവ്ർത്തിയാണ്. സാബു സാബുവിന്റെ അഭിപ്രായം പറഞ്ഞു. അത്രയല്ലേയുള്ളൂ.

അരീക്കോടൻ മാഷ് മുന്നോട്ട് വന്നല്ലോ, അപ്പോൾ ആ പ്രശ്നവും തീർന്നു. എക്കൗണ്ട് നമ്പർ കിട്ടിയാൽ മതി. അതിവിടെ പബ്ലിക്ക് ആയിട്ട് തുറന്നു പറയണമെന്നില്ല. ഹാഷിമിനെ അറിയിച്ചാൽ മതിയല്ലോ. താല്പര്യം പ്രകടിപ്പിച്ചവർക്കു ഹാഷിമിനെ contact ചെയ്യാം. ഇതെനിക്കു തോന്നിയ അഭിപ്രായമാണേ.

ഞാൻ ഇന്നലെ ഹാഷിമിനു് മെയിൽ ചെയ്തിരുന്നു.

കൂതറHashimܓ said...

കൂട്ടുകാരേ...
ഒരാളുടെ ബുദ്ധിമുട്ടിനെ, നിസ്സഹയാവസ്ഥയെ ഇവ്വിതം തലകീറി പരിശോധിച്ചത് കൊണ്ട് എന്ത് മെച്ചം?
ഈ പോസ്റ്റിലൂടെ നമുക്കൊന്നായി വല്ലതും ചെയ്യാമോ എന്നായിരുന്നില്ലെ ചര്‍ച്ച.
കഴിയുമെന്നുള്ളവര്‍ മാത്രം എന്നെ വിളിക്കൂ.. (+919895460920, Email ID: hashimcolombo@gmail.com

ആവശ്യമില്ലാത്ത കമന്റുകള്‍ ഒഴിവാക്കൂ.
ചര്‍ച്ചകളെ എന്റെ മൊബൈലിലേക്കോ ഐഡിയിലേക്കോ മാത്രമാക്കൂ.. പ്ലീസ്

വെള്ളരി പ്രാവ് said...

സമാധാനവും...സ്നേഹവും..സന്തോഷവും ഉണ്ടാകട്ടെ...

വെള്ളരി പ്രാവ് said...

"ദാനം ആപത്തുകളെ തടയും" എന്ന് എല്ലാ മതങ്ങളും ഓര്‍മിപ്പിക്കുമ്പോള്‍,ജീവകാരുണ്യം ഏറ്റവും മഹത്വമേറിയ പ്രവര്‍ത്തി തന്നെ ആണ്.ഇത്തരം വാര്‍ത്തകള്‍ പോസ്റ്റ്‌ചെയ്യുമ്പോള്‍ ആദ്യമേ തന്നെ എല്ലാവരും അതിന്‍റെ ആധികാരികതയിലേക്കാണ് ഉറ്റു നോക്കുക..തന്മൂലം..സാമ്പത്തിക കാര്യങ്ങള്‍ ഉള്‍പെടുന്ന വിഷയം കൈകാര്യം ചെയ്യുമ്പോള്‍..തീര്‍ത്തും സുതാര്യമായി വേണം ഇടപെടാന്‍.പോസ്റ്റ്‌ ആയി ഇടുന്നതിനു മുന്‍പ് ബൂലോകത്തെ മുതിര്‍ന്ന ബ്ലോഗേഴ്സ് മായി കൂടി ആലോചിച്ചു ചെയ്‌താല്‍ ഇത്തരം വാദപ്രിതി വാദങ്ങള്‍ ഒഴിവാക്കാന്‍ കഴിയുമായിരുന്നു.(പിന്നെ ശ്രീ .M.H.സാബു.ഈ വിഷയത്തിന്‍റെ ആധികാരികത അറിയാനായിരിക്കും ചോദിച്ചിരിക്കുക..അത് കൃത്യമായി രേഖപെടുതാതിരുന്നത് ബ്ലോഗ്ഗെരുടെ വീഴ്ചയായി കാണുന്നു.അങ്ങനെ ചോദിച്ചു എന്നത് കൊണ്ട് ശ്രീ സാബു നാളിത്രയും കാലം ചെയ്ത ജീവകാരുണ്യങ്ങള്‍ ആരും വിസ്മരിക്കരുത്.) (ബൂലോക കാരുണ്യം കൊണ്ട് ഉപകാരപെട്ടിരിക്കുന്നവര്‍ നിരവധി ആണ് എന്ന് വായിച്ചരിഞ്ഞിട്ടുണ്ട്‌. ആ മേഖലയില്‍ നിസ്വാര്‍ഥമായി പ്രവര്‍ത്തിക്കുന്ന ശ്രീമതി..മൈന ഉമൈബാന്‍ ,ശ്രീ നിരക്ഷരന്‍ ജി..മുതലായ(എല്ലാവരുടെയും പേര് അറിയില്ല)ഈ മേഖലയില്‍ പ്രവര്‍ത്തി പരിചയം ഉള്ളവരുമായി ചേര്‍ന്ന് ചെയ്യുകയാണെങ്കില്‍..അതൊരു കൂട്ടായ്മയോടെ ചെയ്യുകയായിരുന്നെങ്കില്‍ ഒത്തിരി നന്നായിരുന്നേനെ.പ്രതീക്ഷിച്ചതിലും വമ്പിച്ച വിജയം ആയേനെ.ബൂലോക ജീവകാരുണ്യത്തിനായി..സാമ്പത്തിക ദുരിതം അനുഭവിക്കുന്നവര്‍ക്ക് , വിവാഹം,ചികിത്സ, വിദ്യാഭ്യാസ ആനുകൂല്യം...ഇവക്കെല്ലാം ചേര്‍ന്ന്ബ്ലോഗേഴ്സ് -ന്‍റെ ഇടയില്‍ നിന്ന് തിരഞ്ഞെടുക്കപെടുന്നവര്‍ ചേര്‍ന്ന് കമ്മറ്റി രൂപീകരിച്ചു ചെറിയ തുക മാസാമാസം അംഗങ്ങളായ (എന്നെ തല്ലല്ലേ...)"സമ്മതമുള്ള" ബ്ലോഗ്ഗെര്സില്‍ നിന്നും ഫണ്ട്‌ സംവിധാനം ഉണ്ടാക്കിയാല്‍ അത് ആവശ്യക്കാര്‍ക്ക് വളരെ ഉപകരിക്കപെടും.(പല യുറോപ്യന്‍ ..ആഫ്രിക്കന്‍ ..അന്താരാഷ്ട്ര ..സ്വിറ്റ്സു അക്കൗണ്ട്‌ ഉള്ളവര്‍ ഉണ്ടെന്നേ നമ്മുടെ ഇടയില്‍..ഈ പാവം പ്രാവ് പറന്നപ്പോ കണ്ടതാ...കണ്ട കാര്യം കണ്ടോലെ പറയണ്ടേ...?) "പലതുള്ളി പെരു വെള്ളം"...അത് വഴി ആരുടെയെങ്കിലും കണ്ണീരോപ്പുവാന്‍ കഴിഞ്ഞാല്‍ നാം എത്ര ധന്യരാകും.....ലോകത്തിന്‍റെ വിവിധ കോണില്‍ കിടക്കുന്നവര്‍ കൂട്ടായ്മയോടെ ഒന്നിച്ചു അണിനിരക്കുന്നത് മറ്റുള്ളവര്‍ക്ക് മാതൃകയാവട്ടെ...ഇനിയും വൈകിയിട്ടില്ല...നിരക്ഷരന്‍ ജി..,രമേശ്‌ ജി ,സാബു ജി ,കൂതറ ജി..ബിലാത്തിപട്ടണം സര്‍,ഡോക്ടര്‍ ജി,ബെര്‍ലിന്‍ മതില്‍,വള്ളികുന്നു..തട്ടത്തുമല .മനോരാജ്യം...തുടങ്ങിയ തലമുതിര്‍ന്ന...ബ്ലോഗേഴ്സ് -ന് (തലയെണ്ണന്‍ മറന്ന മറ്റെല്ലാ ബ്ലോഗ്ഗേഴ്സ് /ബ്ലോഗ്ഗിനീസ് )മുന്നില്‍ ബൂലോകത്തിന്‍റെ ഈ വിഷയത്തിലെ അനാസ്ഥയില്‍ ഉള്ള വെള്ളരിപ്രാവിന്റെ ദുഃഖം അറിയിക്കാനുള്ള ഒരു വേദിയായി ഞാന്‍ ഇതിനെ കാണുന്നു.(എവിടെ! ആര്‍ക്കു മനസിലാകാന്‍ !!!) ഇനിയും വൈകിയിട്ടില്ല...ഓരോ പ്രശ്നങ്ങളില്‍ ഒറ്റയ്ക്ക് സമീപിക്കുന്നതിനേക്കാള്‍ നമുക്ക് ഒന്നിച്ചു ഏറ്റെടുക്കാം..ഭാരം കുറയൂലോ.വലയില്‍ വീണ കിളികള്‍ വലയേയും കൊണ്ട് പറന്നപോലെ...നമുക്കൊന്നിച്ച്‌ പറക്കാം.(ദേ..ഞാന്‍ ഈ വഴി പറന്നിട്ടില്ലാ..കല്ലെറിയല്ലേ.!!!)

മുള്ളൂക്കാരന്‍ said...

@Sabu M H
താങ്കള്‍ക്കു താല്‍പ്പര്യം ഉണ്ടെങ്കില്‍ ചെയ്യുക അല്ലെങ്കില്‍ വിട്ടേക്കുക... പക്ഷെ പിന്തിരിപ്പിക്കാന്‍ ശ്രമിക്കരുത് പ്ലീസ്...
താങ്കള്‍ പറഞ്ഞ ഈ കാര്യം കേട്ടത് കൊണ്ട് മാത്രമാണ് മറുപടി എഴുതുന്നത്‌

തന്റേതല്ലാത്ത തെറ്റു കൊണ്ട്‌ പലരും ഇതിനേക്കാൾ കൂടുതൽ കഷ്ടത അനുഭവിക്കുന്നുണ്ട്‌.
(രോഗം വന്നും, അപകടം സംഭവിച്ചും). നാട്ടിൽ തന്നെ രക്തം തേടി എത്ര പേർ ബ്ലഡ്‌ ബാങ്കുകളിൽ നെട്ടോട്ടമോടുന്നു. നിങ്ങളിൽ തന്നെ എത്ര പേർ അങ്ങനെയുള്ള ആവശ്യം നേരിട്ട്‌ കേട്ടിട്ടുണ്ടാവും? എത്ര പേർ അതിനൊക്കെ സഹായം ചെയ്തു കൊടുത്തിട്ടുണ്ടാവും?


എത്രപേര്‍ ഇത്തരതിലുള്ളവര്‍ക്ക് വേണ്ടി സഹായങ്ങള്‍ ചെയ്തില്ല, ചെയ്തു എന്നോന്നുമുല്ലളിസ്റ്റ് താങ്കളുടെ കയ്യില്‍ ഇല്ലല്ലോ ഉണ്ടോ? താങ്കളോട് പറഞ്ഞാണോ ലോകത്തുള്ള മനുഷ്യര്‍ മൊത്തം ഇത്രരം ജീവകാരുന്ണ്യ പ്രവര്‍ത്തനങ്ങള്‍ നടത്തുന്നത്? ഉവ്വോ?? ഇതിലുള്ള പലരും ഇത്തരത്തില്‍ ഉള്ളവര്‍ക്ക് പലപ്പോഴായി സഹായങ്ങള്‍ നല്കിക്കൊണ്ടിരിക്കുന്നതാണ്... അല്ലെന്നു പറയാന്‍ താങ്കള്‍ക്കു ഇതില്‍ എത്ര പേരെ വ്യക്തമായി അറിയാം.. ഈ പോസ്റ്റില്‍ പറഞ്ഞ വ്യക്തിയെ കുറിച്ച് താങ്കള്‍ക്കു എന്തറിയാം??

ചുമ്മാ കേറി എല്ലാറ്റിനും ഒടക്ക് ഉണ്ടാക്കല്ലേ...

ഇ.എ.സജിം തട്ടത്തുമല said...

ഈ പോസ്റ്റിൽ വന്ന കാടു കയറിയുള്ള കമന്റുകൾ എടുത്തു കളയണം എന്നഗ്രഹിച്ചതാണ്.ചില കമന്റുകൾ ആ വിധം ഡിലീറ്റ് ചെയ്തിട്ടുണ്ട്. അതിലൊന്ന് ഒരു അനോണി ടച്ച് ഉള്ളതായിരുന്നു. സാധാരണ എന്നെ തെറി പറയുന്ന കമന്റുകൾ പോലും ഡിലീറ്റ് ചെയ്യാറില്ല.പോസ്റ്റിട്ടിട്ട് കമന്റിനു പുറകേ അങ്ങനെ കമന്റിന്മേൽ കമന്റുമായി പോകാറുമില്ല.സമയമില്ലാത്തതു തന്നെ പ്രശ്നം. വിഷയം ഇതായതുകൊണ്ടാണ് വീണ്ടും വീണ്ടും കമന്റുകൾ എഴുതിയത്.

പക്ഷെ ഇതുവരെയുള്ള കമന്റുകളിൽ ഡിലീറ്റ് ചെയ്യണമെന്ന് തോന്നിയവയിൽ ചിലതു നിലനിർത്തുകയാണ്. കാരണം ഓരോ കമന്റിലും കഴമ്പുള്ള ചില വാചകങ്ങൾ കാണുന്നതുതന്നെ. ഒരു കമന്റ് മാറ്റിയത് ഒരാളെക്കുറിച്ച് ക്ഷുദ്രജീവി എന്നൊരു പ്രയോഗം ഉള്ളതിനാലാണ്. ആ സുഹൃത്ത് ക്ഷമിക്കുക. വിമർശിക്കാം; പക്ഷെ, എന്നെയല്ലാതെ മറ്റൊരാളെയും ആരും ചീത്ത വിളിക്കുന്നതോ മോശപ്പെട്ട വാക്കുകൾ ഇട്ടു വിളിക്കുന്നതോ എനിക്ക് വിഷമമാണ്.

ഇ.എ.സജിം തട്ടത്തുമല said...

തർക്കിക്കാനും പരസ്പരം ഗോഗ്ഗ്വാ വിളിക്കാനും നമുക്ക് വല്ല രാഷ്ട്രീയമോ ആശയപരമായ കാര്യങ്ങളോ മറ്റു സാമൂഹ്യ വിഷയങ്ങളോ എത്ര വേണമെങ്കിലും ഉണ്ടല്ലോ.അവിടെ വ്യക്തികൾക്ക് മുറിവേൽക്കില്ല. ഉത്തരം മുട്ടിയാൽ ചിലപ്പോൾ നമ്മൾ കൊഞ്ഞണമൊക്കെ കുത്തുമെങ്കിലും! എന്നാൽ ദയവായി ഇത്തരം മാനുഷികമായ വിഷയങ്ങളിൽ ആരും ആരെയും മുറിപ്പെടുത്താതിരിക്കുക. ഏതെങ്കിലും അഭിപ്രായ പ്രകടനങ്ങളുടെ പേരിൽ കലഹവും വേണ്ട. ചുരുക്കി പറഞ്ഞാൽ തൽക്കാലം കമന്റ് മോഡറെഷൻ വയ്ക്കുന്നു.

ഇ.എ.സജിം തട്ടത്തുമല said...

എന്തായാലും ഈ വിഷയത്തിൽ താല്പര്യമുള്ള അഥവാ അനുതാപമുള്ള കുറച്ച് ബ്ലോഗ്ഗർമാർ ഇത് ഏറ്റെടുത്തിട്ടുണ്ട്. അവർ ഹാഷിമിന്റെ ഇ-മെയിലും ഫോണും വഴി കാര്യങ്ങൾ നീക്കുന്നുണ്ട്. ആവശ്യമെങ്കിൽ സഹായമെത്തിക്കാനുള്ള സജ്ജീകരണങ്ങൾ ഒരുക്കാൻ അരീക്കോടൻ മാസ്റ്ററും തയ്യാറായി നില്പുണ്ട്. ഉചിതമായ നിലയിൽ അത് നടക്കും. എന്തായാലും ഞാൻ പോസ്റ്റിടുമ്പോൾ ഉള്ള സ്ഥിതിയൊക്കെ മാറി. നമ്മുടെ ബ്ലോഗ്ഗർക്ക് അതിജീവനത്തിനുള്ള മാർഗ്ഗങ്ങൾ പലതും തെളിഞ്ഞു വരുന്നതായി ഹാഷിമും ഷെരീഫ്ക്കയും ഒക്കെ വിളീച്ച് അറിയിച്ചു.കാര്യങ്ങളുടെ പുരോഗതി ശനിയാഴ്ചയോടെ വ്യക്തമാകും. ആവശ്യമുണ്ടെങ്കിൽ സഹായ ഹസ്തവുമായി ഒരുപാട് ബ്ലോഗ്ഗർമാർ ഹാഷിമുമായി ബന്ധപ്പെട്ടുകൊണ്ടുമിരിക്കുന്നു.അത് അതിന്റെ വഴ്യിക്ക് നടക്കട്ടെ.

ഇതു സംബന്ധിച്ച എല്ലാ അന്വേഷണങ്ങൾക്കു ഹാഷിമിനെ ഫോൺ, മെയിൽ എന്നിവ മുഖാന്തരം ബന്ധപ്പെടുക.

+919895460920

Email ID: hashimcolombo@gmail.com

ഷെരീഫ് കൊട്ടാരക്കര said...

എഴുതാന്‍ വിട്ട് പോയ ചില കാര്യങ്ങള്‍ കൂടി. നമ്മുടെ കഥാപുരുഷന്‍ നല്ലൊരു ജീവകാരുണ്യ പ്രവര്‍ത്തകനും സാമൂഹ്യ പ്രവര്‍ത്തകനും കൂടിയാണ്. ഈ വക കുരുത്തക്കേടുകളുമായി ഇറങ്ങുന്നവര്‍ക്ക്, അതായത് നാട്ടില്‍ എന്തോ നടക്കട്ടെ ഞാനും എന്റെ കുടുംബവും മാത്രം എന്ന് ചിന്തിക്കാതെ, ഏത് കാരുണ്യ പ്രവര്‍ത്തനത്തിനും ശരീരം കൊണ്ടും ധനം കൊണ്ടും സഹായിക്കുന്ന കുരുത്തക്കേടുള്ള ഈ മനുഷ്യന്‍ സാമ്പത്തിക ബാദ്ധ്യതയില്‍ ചെന്ന് പെട്ടതില്‍ അതിശയമൊന്നുമില്ല. ചുമ്മാ സമയം കളയാതെ സന്മനസുള്ളവര്‍ അദ്ദേഹത്തെ ഒരു കൈ സഹായിക്കുക. ചര്‍ച്ചയും അതിന്മേല്‍ ചര്‍ച്ചയുമായിരുന്നാല്‍ ഇവിടെ വന്ന് അദ്ദേഹത്തെ സഹായിക്കാം എന്ന് പറഞ്ഞവര്‍ പോലും ഒന്ന് അറച്ചേക്കാം.ആ പാവം ഈ ചര്‍ച്ചകള്‍ കണ്ടു കൊണ്ടിരിക്കുന്നു എന്നത് എന്നെ വേദനിപ്പിക്കുന്നു. ഒരു മനുഷ്യനും ഈ അവസ്ഥയില്‍ ചെന്ന് പെടരുത് എന്ന പ്രാര്‍ത്ഥനയാണ് എപ്പോഴും. രോഗം, കടം, ഇത് രണ്ടും മനുഷ്യനെ ബാധിച്ചില്ലെങ്കില്‍ എപ്പോഴും തല ഉയര്‍ത്തി നില്‍ക്കാന്‍ കഴിയും. ഇത് രണ്ടും ആര്‍ക്കും സംഭവിക്കാതിരിക്കട്ടെ...

എവിടെ ഈ അരീക്കോടന്‍ മാഷ് . ആ ആക്കൌണ്ട് നമ്പര്‍ എവിടേ? ഹാശിമേ മാഷിനെ ഒന്ന് ഫോണ്‍ ചെയ്യുക, പ്ലീസ്....

ഇ.എ.സജിം തട്ടത്തുമല said...

മുള്ളൂക്കാരനും ഈ പോസ്റ്റിട്ടതിൽ കുറ്റം കാണുന്നില്ലെന്നറിയുന്നതിൽ സന്തോഷം.

കമന്റിട്ട കലി, രമേശ്, ഹാഷിം, നാമൂസ്, സാബു.എം.എച്ച്, എസ്.എം.സാദിക്ക്, സ്വന്തം സുഹൃത്ത്,Vp Ahmed,അനില്‍കുമാര്‍ . സി.പി.സുനില്‍, യൂസഫ്പാ,ശ്രീക്കുട്ടന്‍, ശ്രീജിത് കൊണ്ടോട്ടി,മുരളീമുകുന്ദൻ, ബിലാത്തിപട്ടണം,Areekkodan, അരീക്കോടന്‍, nakkeeran, വെഞ്ഞാറന്‍, SHANAVAS,ആചാര്യന്‍, ലീനാസ്, sherriff kottarakara,വെള്ളരി പ്രാവ്,മുള്ളൂക്കാരന്‍, എല്ലാവർക്കും നന്ദി!

ഇ.എ.സജിം തട്ടത്തുമല said...

അക്കൌണ്ട് നംബർ നൽകാത്തതിൽ ചില ബ്ലോഗ്ഗർമാർ എന്നെ വിളിച്ച് വയലന്റാകുക പോലും ചെയ്യുന്നു. വിശദവിവരത്തിന് ഹാഷിമിനെ വിളിക്കുകയോ മെയിൽ അയക്കുകയോ ചെയ്യണമെന്ന് വീണ്ടും അപേക്ഷിക്കുന്നു. ശനിയാഴ്ച കഴിഞ്ഞ് മാത്രം ഇവിടെ അക്കൌണ്ട് നബർ നൽകിയാൽ മതിയെന്നാണ് ഇതുമായി ബന്ധപ്പെട്ട് നിൽക്കുന്നവർ അറിയിച്ചിട്ടുള്ളത്.

എന്തായാലും ഇക്കാര്യത്തിൽ ചെയ്യാൻ കഴിയുന്ന എല്ലാ കാര്യങ്ങളും ചെയ്യാനുള്ള ചുമതലയിൽ ഹാസിം, അരീക്കോടൻടൻ മാസ്റ്റർ, പൊന്മളക്കാരൻ തുടങ്ങിയവരും മാർഗ്ഗ നിർദ്ദേശങ്ങളുമായി ഷെരീഫ്ക്കാ തുടങ്ങി മറ്റു ചിലരും ബന്ധപ്പെട്ടു വരികയാണ്. സാധാരണ ഒരു ജീവ കരുണ്യ പ്രവർത്തനം നടത്തുന്നതിൽ നിന്നും ഈ വിഷയത്തിന് ചില വ്യത്യസ്തതകൾ ഉണ്ട് എന്ന് അറിയാമല്ലോ. എന്ത് സഹായവും ചെയ്യാൻ സന്നദ്ധരായി നിൽക്കുന്ന ബ്ലോഗ്ഗർമാർക്ക് വികാരവായ്പോടെ മാത്രമേ നന്ദി പറയാൻ കഴിയുകയുള്ളൂ. അതിന് എന്റെ പോസ്റ്റ് നിമിത്തമാക്കിയതിൽ ഒരു നല്ല കാര്യം ചെയ്തതിന്റെ ആത്മസംതൃപ്തിയിലാണ് ഈയുള്ളവനും.

ഹാഷിമിന്റെ നമ്പരും മെയിലും
+919895460920
Email ID: hashimcolombo@gmail.com

Typist | എഴുത്തുകാരി said...

മാഷേ, ഞാനുമൊരു കമെന്റിട്ടിരുന്നൂട്ടോ. എന്നേ മാത്രം വിട്ടുകളഞ്ഞൂല്ലേ? എന്നോട് വല്ല ദേഷ്യോമുണ്ടോ? (വെറുതെ തമാശക്കാണേ)

ഇ.എ.സജിം തട്ടത്തുമല said...

എഴുത്തുകാരി,
താങ്കളുടെ കമന്റ് ഇവിടെ ഉണ്ടല്ലോ!

jayanEvoor said...

ആളെ മനസ്സിലായി.
കഴിയുന്ന വിധം സഹായിക്കാൻ ഞാൻ തയ്യാറാണ്.

Manoraj said...

ഈ പോസ്റ്റ് മുന്‍പേ വായിച്ചിരുന്നു. അന്നേ ദിവസം തന്നെ ഇതില്‍ സൂചിപ്പിച്ച ജപ്തി ഭീഷിണിയുള്ള ബ്ലോഗറുമായി സംസാരിക്കുകയും ചെയ്തിരുന്നു. ഒരു കമന്റിലൂടെ ഇവിടെ ഒന്നും ചെയ്യാന്‍ കഴിയില്ല എന്നത് കൊണ്ട് തന്നെയായിരുന്നു കമന്റ് ഒഴിവാക്കിയതും. ചര്‍ച്ച കാടുകയറുന്നത് കണ്ടതുകൊണ്ടാണ് ഇപ്പോള്‍ ഒരു കമന്റ് ഇടുന്നത്.

ഇവിടെ സജിമിന്റെ പോസ്റ്റിന്റെ ഉദ്ദേശ്യലക്ഷ്യം വളരെ നല്ലതാണ്. അത് രമേശ് ഉള്‍പ്പെടെയുള്ള ബ്ലോഗര്‍മാര്‍ നിറഞ്ഞ മനസ്സോടെ ഏറ്റെടുക്കുകയും ചെയ്തു. ഇനി വേണ്ടത് താല്പര്യമുള്ളവര്‍ക്ക് പണം ട്രാന്‍സഫര്‍ ചെയ്യുവാനുള്ള മാര്‍ഗ്ഗം നോക്കുകയാണ്. ഒന്നുകില്‍ സജിം തന്നെ ഇതേറ്റെടുക്കുക. ഒരു പക്ഷെ ഒരു അകൌണ്ട് നമ്പറോ മറ്റോ എന്തിന്റെ പേരിലായാലും ബ്ലോഗ് പോസ്റ്റില്‍ ഓപണായി അപ്‌ഡേറ്റ് ചെയ്യാന്‍ ഒരു പക്ഷെ മടികൊണ്ടാവും അകൌണ്ട് നമ്പര്‍ എന്നതിനോട് പെട്ടന്ന് സജിമോ ഷെരീഫ് കൊട്ടാരക്കരയോ ഒന്നും പ്രതികരിക്കാത്തത്. മറിച്ച് താല്പര്യമുള്ളവര്‍ ഇതില്‍ പറഞ്ഞ മെയിലിലോ അതല്ലെങ്കില്‍ ഫോണിലോ വിളിച്ച് സഹായം എങ്ങിനെ ട്രാന്‍സ്ഫര്‍ ചെയ്യാമെന്നതിനെ കുറിച്ച് ചിന്തിക്കുകയാണ് വേണ്ടത് എന്ന് തോന്നുന്നു.

@പ്രിയ സാബു,

ഒരു പക്ഷെ താങ്കള്‍ രമേശ് പറഞ്ഞ പോലെ മറ്റൊന്നും മനസ്സില്‍ കണ്ടാവില്ലായിരിക്കും കമന്റ് ചെയ്തത്. പക്ഷെ സ്ഥലവും കാലവും നോക്കി നമ്മള്‍ ഇത്തരം പ്രസ്താവനകള്‍ നടത്തുന്നതാവും എപ്പോഴും ഉചിതമെന്ന് ലോകപരിചയമുള്ള താങ്കള്‍ക്കറിയാമല്ലോ. ഏതായാലും ദയവ് ചെയ്ത് ഇത് കമന്റ് ചര്‍ച്ചക്കുള്ള വേദിയാക്കരുതെന്ന് അപേക്ഷിക്കുന്നു. ലീനാസും ഇതിനെ പരസ്പരം ചെളിവാരിയെറിയുവാനുള്ള വേദിയാക്കാതെ ലക്ഷ്യത്തില്‍ എത്താന്‍ എന്ത് ചെയ്യാന്‍ കഴിയുമെന്നതിനെ പറ്റി ചിന്തിക്കുമല്ലോ.

പ്രിയ സജിം,
വളരെ വിശദമായി സജിം ഇവിടെ കാര്യങ്ങള്‍ പ്രതിപാദിച്ചു. പക്ഷെ പലരും ഇത് മുഴുവന്‍ വായിക്കുവാന്‍ സാദ്ധ്യതയില്ല.അങ്ങിനെ വരുമ്പോള്‍ ചിലപ്പോള്‍ പലതും നെഗറ്റീവ് ഇമ്പാക്റ്റ് ഉണ്ടാക്കിയേക്കാം. വിരോധമില്ലെങ്കില്‍ ഇതിന്റെ തുടര്‍ച്ചയായെന്ന പോലെയോ മറ്റോ കാര്യമാത്രപ്രസക്തമായ ഒരു പോസ്റ്റ് ഇടൂ. ഇക്കാര്യം ബ്ലോഗേര്‍സിന്റെ മുന്നിലേക്ക് കൊണ്ടുവരാനുള്ള സന്മനസ്സ് ഉണ്ടായത് സജിമിനായത് കൊണ്ട് തുടര്‍ന്നുള്ള പ്രവര്‍ത്തനങ്ങളും സജിം വഴി ആവട്ടെ എന്ന് തന്നെ ആഗ്രഹിക്കുന്നു. ഷെരീഫ് കൊട്ടോരക്കരയെയും അരീക്കോടന്‍ മാഷിനെയും പോലുള്ള സീനിയര്‍ ബ്ലോഗര്‍മാര്‍ക്കും ഇക്കാര്യത്തില്‍ സജിമിനെ സഹായിക്കാന്‍ കഴിയും എന്ന് തന്നെ കരുതുന്നു. നമുക്കുമുന്നില്‍ ചിരിച്ചുകൊണ്ട് എന്നും നിറഞ്ഞ സാന്നിധ്യമാകാറുള്ള ഒരു ബ്ലോഗറുടെ കണ്ണീരിനേക്കാള്‍ വിലയില്ല നമ്മുടെയൊന്നും പ്രയോജനമില്ലാത്ത കമന്റുകള്‍ക്ക് എന്ന് മാത്രം ഓര്‍മ്മിപ്പിക്കട്ടെ. അതുകൊണ്ട് ചര്‍ച്ച വഴിതിരിഞ്ഞുപോകാതെ നോക്കേണ്ടത് സഹജീവികള്‍ എന്ന നിലയില്‍ എല്ലാ ബ്ലോഗര്‍മാരുടെയും ഉത്തരവാദിത്വമാണ്.

ഷെരീഫ് കൊട്ടാരക്കര said...

എന്റെ സജീമേ!, എഴുത്തുകാരി പറഞ്ഞത് കമന്റിട്ടവര്‍ക്ക് സജീം നന്ദി പറഞ്ഞപ്പോള്‍ അവരെ വിട്ട് പോയി എന്നാണ് ഞാന്‍ ഊഹിക്കുന്നത്.അതായത് അവരും കമന്റിട്ടു എന്നിട്ടും നന്ദി പറഞ്ഞപ്പോള്‍ അവരെ വിട്ട എന്ന്. (അവര്‍ തമാശക്ക് പറഞ്ഞതാ ട്ടോ...)

ഇ.എ.സജിം തട്ടത്തുമല said...

അയ്യോ, എഴുത്തുകാരീ താങ്കൾക്കും നന്ദി!ഷെരീഫ്സാർ പറഞ്ഞപ്പോഴാണത് മനസിലായത്. ഇനി ആരുടെയും പേരു പറയുന്നില്ല കമന്റിട്ടവർക്കൊക്കെ നന്ദി!

മനോരാജ്,

സത്യത്തിൽ തൊടുപുഴ മീറ്റ് പോസ്റ്റിനു ശേഷം ഒരു പോസ്റ്റ് എഴുതാൻ തന്നെ എനിക്ക് സമയമുണ്ടായില്ല. എന്നാൽ ഞാൻ ഈ സുഹൃത്ത് നേരിടുന്ന പ്രശ്നത്തിന്റെ ഗൌരവം മനസിലാക്കിയപ്പോൾ അതൊന്നു കുറിച്ചിടാതിരിക്കാൻ എനിക്ക് കഴിഞ്ഞില്ല. അതിനു കാരണം എന്റെ ചില ജീവിതാനുഭവങ്ങൾ ആണ്. കടം വാങ്ങിയ കേവലം ആയിരം രൂപ യഥാസമയം വീട്ടാൻ കഴിയാഞ്ഞ് അഭിമാനിയായ ഒരു അയൽ വാസി ഫ്യൂറിഡാൻ കഴിച്ച് ആത്മഹത്യ ചെയ്തതടക്കം എത്രയോ അനുഭവങ്ങൾ എനിക്കുണ്ട്.അവരിൽ പലരും അങ്ങനെ അബദ്ധങ്ങൾ കാണിക്കുമെന്ന് നമ്മൾ സ്വപ്നത്തിൽ പോലും വിചാരിച്ചവരല്ല. അതെല്ലാം ഓർത്തപ്പോൾ ഇത് ഒന്നു കോറിയിടാതിരിക്കാൻ എനിക്ക് കഴിഞ്ഞില്ല. പക്ഷെ പോസ്റ്റ് ഇട്ട് കഴിഞ്ഞപ്പോൾ വിഷയം എന്റെ കൈവിട്ട്പോയി.എന്നേക്കാൾ ഈ വിഷയങ്ങൾ അറിയാവുന്നവർ ഇത് ഏറ്റെടുത്തു. പോംവഴികളെക്കുറിച്ച് ആലോചിച്ചു. ഈ പ്രതിസന്ധിയിൽ നിന്നും പുള്ളിയെ രക്ഷിക്കുവാൻ അവരവരെക്കൊണ്ടു കഴിയുന്നതെന്തും ചെയ്യാൻ തയ്യാറായി നിൽക്കുകയാണ് ഇതറിഞ്ഞ പലരും. എന്നാൽ ഈ പോസ്റ്റ് ഇട്ട ശേഷം ഇതിന്റെ ഒരു ഗുണഫലം എന്ന നിലയിൽ തന്നെ പ്രശ്ന പരിഹാരത്തിനുള്ള മാർഗ്ഗങ്ങൾ തുറന്നു വരികയാണ്. അങ്ങനെയെങ്കിൽ ആരുടെയും സഹായമില്ലാതെ തന്നെ അദ്ദേഹത്തിന് തൽക്കാലം നിന്നു പറ്റാൻ കഴിയുമെന്നാണ് അദ്ദേഹവുമായി അടുത്ത ബ്ലോഗ് സുഹൃത്തുക്കൾ അറിയിച്ചിട്ടുള്ളത്. പരമാവധി അതിനുള്ള ശ്രമങ്ങളിലാണ്. ഈ കടബാദ്ധ്യതയിൽ ഉത്തരവാദിത്വമുള്ള ഒരു സുഹൃത്തിന്റെ കാര്യം ഞാൻ പറഞ്ഞിരുന്നല്ലോ.പാപ്പരീകരിക്കപ്പെട്ട് ഗൾഫിൽ നിൽക്കുന്ന ആ മനുഷ്യന്റെ സുഹൃത്തുക്കൾ കാര്യങ്ങൾ മനസിലാക്കി കുറച്ച് പണം സംഘടിപിച്ച് നൽകാൻ തീരുമാനിച്ചിട്ടുണ്ട്. അത് നമ്മുടെ ബാദ്ധ്യതക്കാരനായ ബ്ലോഗ്ഗർക്ക് ഏതാനും ദിവസങ്ങൾക്കകം കിട്ടുമെന്നാണറിയുന്നത്. പിന്നെ രണ്ടു മൂന്ന് വർക്കുകളുടെ ഓർഡർ ലഭിച്ചിട്ടുണ്ട്. അവ കൺഫേമായാൽ ആ വഴിക്ക് ലഭിക്കുന്ന അഡ്വാൻസ് തുക ബാങ്ക് ബാദ്ധ്യത തീർക്കുന്നതിനു ഉപയോഗിക്കാം. ഇപ്പറഞ്ഞതൊന്നും പ്രതീക്ഷിച്ചപോലെ നടന്നില്ലെങ്കിൽ മാത്രം മറ്റുള്ളവരുടെ ഇടപെടൽ മതിയാകും. അങ്ങനെ വന്നാൽ ഹാഷിമും അരീക്കൊടൻ മാസ്റ്ററും പൊന്മളക്കാരനും ഷെരീഫ്ക്കയും ഈയുള്ളവനും തുടങ്ങി ധാരാളം പേർ സജ്ജരായി നിൽക്കുന്നുണ്ട്. അരീക്കൊടൻ മാസ്റ്ററുടെ അക്കൌൺണ്ട് നമ്പർ ഇതിനായി നൽകും. നല്ലൊരു കോഓർഡിനേഷൻ ഉണ്ടാകും. നമ്മുടെ ഈ പ്രതിസന്ധിക്കാരനുമായും ഹാഷിമുമായും പല ബ്ലോഗ്ഗർമാരും ബന്ധപ്പെട്ടുകൊണ്ടിരിക്കുന്നു.ചുരുക്കത്തിൽ വേണ്ടിവാന്നാൽ നമ്മുടെ സുഹൃത്തിനെ സഹായിക്കാൻ എല്ലാവരും തയ്യാറായി നിൽക്കുക. ഒന്നും വേണ്ടി വരില്ലെങ്കിൽ ഇനി ഇത്തരം പ്രശ്നങ്ങൾ ജീവിതത്തിൽ സംഭവിക്കാതിരിക്കാനുള്ള ഉപദേശങ്ങളും നൽകി ഈ കൂട്ടുകാരന്റെ അതിജീവനത്തിൽ നമുക്കും സന്തൊഷിക്കാം.

പിന്നെ അക്കൊണ്ട് നംബർന്റെ കാര്യം. അതു ചോദിച്ച് ഈ പോസ്റ്റാളിയായ എന്നോട് പലരും വയലന്റായി. അഥവാ ഇടണമെന്നു വന്നാലും എനിക്ക് അതുണ്ടെങ്കിലല്ലേ പറ്റൂ. അതാണ് അരീക്കോടൻ മാസ്റ്റർ ഏറ്റെടുത്തത്. പൊനമളക്കാരനും അക്കൊണ്ട് നംബർ കൊടുക്കാൻ തയ്യാറാണ്. പക്ഷെ നമ്മുടെ കഥാനായകനായ ബ്ലോഗ്ഗറുടെ അക്കൌണ്ടിൽ പൈസ ഇടുന്നത് സുരക്ഷിതമല്ലെന്ന് അദ്ദേഹം തന്നെ പറഞ്ഞിരുന്നു. അങ്ങനെയൊക്കെ ചില വല്ലാത്ത പ്രതിസന്ധികൾ. അതുകൊണ്ടാണ് അത് നൽകാതിരുന്നത്.എന്തായാലും നമ്മുടെ സുഹൃത്തിന്റെ ഈ അതിജീവനസമരത്തിൽ അദ്ദേഹം വിജയിച്ചാൽ നമ്മൾ കൈയ്യടിച്ച് ആഹ്ലാക്കുക. അല്ലെങ്കിൽ തൽക്കാലത്തേയ്ക്ക് ഒരു കൈ സഹായം നാം ഏവരും നൽകുക.

Pheonix said...

ശ്ശെടാ ഇതിപ്പോ വന്നു വന്ന് ലക്ഷ്യത്തില്‍ നിന്നും അകന്ന് പോകുന്ന ലക്ഷണമാണ്. ദവയായി ഇതൊന്നു നിര്‍ത്താമോ? ആശാസ്യമല്ലാത്ത കമന്റുകള്‍ അവഗണിച്ച് ചെയ്യാനുള്ളത് എത്രയും പെട്ടെന്ന് ചെയ്യുക. കമന്റുകളിലെ സ്വയം പുകഴ്ത്തലും ഇകഴ്ത്തലും (ആരും അങ്ങിനെ ചെയ്തു എന്നല്ല) ഒഴിവാക്കുക. എനിക്ക് സ്വന്തമായിട്ട് എന്തെങ്കിലും ചെയ്യാന്‍ കഴിയാത്ത സാഹചര്യമായതിനാല്‍ അനുഭാവം പ്രകടിപ്പിക്കുക മാതമേ നിവൃത്തിയുള്ളൂ. ചെയ്യുന്നതെന്തായാലും വൈകിപ്പിക്കാതെ ചെയ്യുക. ഗുണഭോക്താവിന്‌ അതിന്റെ ഫലം ലഭിക്കാന്‍ അതത്രെ അഭികാമ്യം .

Unknown said...

ഈ സംരംഭത്തെ വിമര്‍ശിക്കുന്നവരോട് ഒരപേക്ഷ. ആരെങ്കിലും ഒരാളെ സഹായിക്കാന്‍ തയ്യാറായാല്‍ അവരെ പിന്തിരിപ്പിക്കാന്‍ ശ്രമിക്കരുത്. ഉപകാരം ചെയ്തില്ലങ്കിലും ഉപദ്രവിക്കരുത്.

ഇസ്മായില്‍ കുറുമ്പടി (തണല്‍) shaisma@gmail.com said...

കമന്റുകളുടെ കൂമ്പാരംകൊണ്ട് അദ്ധേഹത്തിന്റെ അത്യാവശ്യം നിറവേറില്ല..
do well, or be still.

ഇ.എ.സജിം തട്ടത്തുമല said...

പ്രിയമുള്ളവരെ,

ഈ പോസ്റ്റീൽ പറയുന്ന വിഷയം സംബന്ധിച്ച് നടക്കുന്ന പ്രവർത്തനങ്ങളും കൂടുതൽ വിവരങ്ങളും അക്കൊണ്ട് നമ്പരും മറ്റും അറിയണമെന്നുള്ളവർ താഴെ കാണുന്ന മെയിൽ ഐഡിയിലേയ്ക്ക് മെയിൽ അയക്കുക. താല്പര്യമുള്ളവർ ഈ മാസം 23 നു മുമ്പ് തന്നെ ബന്ധപ്പെടുവാൻ അപേക്ഷിക്കുന്നു.

easajim@gmail.com

നടന്ന പ്രവർത്തനങ്ങളും മറ്റും ആഗസ്റ്റ് 26 നുശേഷം ഇവിടെ അറിയിക്കുന്നതായിരിക്കും.

ഷെരീഫ് കൊട്ടാരക്കര said...

സഹായിക്കാന്‍ സന്മനസുള്ളവര്‍ ഉടനടി അത് നിവര്‍ത്തിക്കുക. കാരണം ബാങ്ക് പണം അടക്കാന്‍ അവധി വെച്ചിരിക്കുന്നത് ഈ മാസം തന്നെയാണ്.

Pheonix said...

മാഷെ, ഈ പോസ്റ്റിന്റെ കമന്റ് ബോക്സ് ദയവു ചെയ്ത് അടക്കുക.

ഇ.എ.സജിം തട്ടത്തുമല said...

ഫിയോനിക്സ്,

കമന്റ് മോഡറെഷൻ വയ്ക്കുന്നതിനു മുമ്പ് വന്ന കമന്റുകളാണ് മുകളിൽ ഉള്ളത്. ചിലതൊക്കെ ഡിലീറ്റും ചെയ്തു. നിർദോഷമായ കമന്റുകൾ മാത്രമേ ഇനി ഈ പോസ്റ്റിനു താഴെ പ്രത്യക്ഷപ്പെടുകയുള്ളൂ.ഒരു വിഷയം എടുത്തിട്ടു. ഒരു ചർച്ചയും നടന്നു.സാരമില്ല. ഒക്കെ സ്വാഭാവികം. പോസ്റ്റ് കൊണ്ട് ചില ഗുണങ്ങൾ ഉണ്ടാകുകയും ചെയ്തു. അതിൽ സന്തോഷവുമുണ്ട്.

K S Sreekumar said...

എങ്ങനെ ജീവിക്കണമെന്നത് ഇന്നും എന്നും എല്ലാവരും ചോദിക്കുന്ന ചോദ്യമാണ്. ഉത്തരമില്ലാത്ത ചോദ്യമായി അത് അവശേഷിക്കുന്നു. എങ്ങനെ ജീവിച്ചാലും സംഭാവിക്കാനുള്ളത് സംഭവിക്കുന്നു എന്നതാണ് സത്യം. അപോ‍ൾ സംഭവിക്കുന്നതിനെ നേരിടാനുള്ള വഴികൾ തിരയുന്നതായിരിക്കും ഉചിതം. അതുമാത്രമേ ജീവിതത്തെ മുന്നോട്ട് നയിക്കുന്നുള്ളു.

ഇ.എ.സജിം തട്ടത്തുമല said...

പ്രിയമുള്ളവരെ,

എന്റെ ഈ പോസ്റ്റ് വായിച്ച് ഇതിൽ പറയുന്ന ജപ്തിഭീഷണിയിലായ ബ്ലോഗ്ഗറെ സഹായിക്കുവാൻ ഏതാനും ബ്ലോഗ്ഗർമാർ സന്മനസ്സ് അറിയിക്കുകയും അതിൻപ്രകാരം ഇക്കാര്യത്തിൽ ചില സംഘാടനങ്ങൾ പലരായി നടത്തുകയും ചെയ്തു. എന്നാൽ സഹായിക്കാൻ മുന്നോട്ട് വന്നവർ പലരും ഇക്കാര്യം പരസ്യപ്പെടുത്തേണ്ടതില്ലെന്ന് അറിയിച്ചതിനാൽ മെയിൽ, ഫോൺ എന്നിവ മുഖാന്തിരം അവരുമായി ബന്ധപ്പെട്ട് അരീക്കോടൻ മാസ്റ്ററുടെ അക്കൌണ്ട് നമ്പരിലേയ്ക്ക് സഹായമെത്തിക്കുവാൻ ഏർപ്പാടാക്കുകയും ചെയ്തു. കൂടാതെ ശ്രീ ഷാജി മുള്ളൂ‍ക്കാരന്റെ നേതൃത്വത്തിൽ ഏതാനും ബ്ലോഗ്ഗർമാർ അവരുടെ നിലയ്ക്കും ഒരു സംഘാടനം നടത്തി. ഈ രണ്ട് വഴികളിലൂടെയും കടമായും സഹായമായും സമാഹരിക്കപ്പെട്ട തുക ജപ്തിഭീഷണി നേരിട്ട ബോഗ്ഗറുടെ കൈവശം എത്തിക്കുകയും അദ്ദേഹത്തിന്റെ കൈയ്യിൽ ഉണ്ടായിരുന്ന കുറച്ച് കാശുംകുടി ചേർത്ത് ആഗസ്റ്റ് 23 നു നടന്ന ബാങ്ക് അദാലത്തിൽ വച്ച് വായ്പാ കുടിശിക മുഴുവൻ അടച്ച് ബാദ്ധ്യതയൊഴിച്ച് സെറ്റിൽ ചെയ്യുകയും ചെയ്തു എന്ന വിവരം സന്തോഷപൂർവ്വം അറിയിക്കുന്നു. അങ്ങനെ കടമായും സഹായമായും കഴിയുന്ന തുകകൾ നൽകി നമ്മുടെ ഒരു സഹജീവിയെ അദ്ദേഹത്തിന് താൽക്കാലികമായി ഉണ്ടായ ഒരു പ്രതിസന്ധിയിൽ നിന്ന് രക്ഷപ്പെടുത്തിയ സുമനുസുക്കളായ എല്ലാ ബ്ലോഗ്ഗർമാർക്കും ഹൃദയം നിറഞ്ഞ നന്ദിയും കടപ്പാടും അറിയിക്കുന്നു. സഹായം നൽകിയ എല്ലാവർക്കും ഇതു സംബന്ധിച്ച വിശദാംശങ്ങൾ ശ്രീ ഹാഷിം കൊളംബോ മെയിൽ ചെയ്തിട്ടുണ്ട്.

രമേശ്‌ അരൂര്‍ said...

ശ്രമം വിജയിച്ചതില്‍ സന്തോഷം ..:)
എല്ലാവര്ക്കും അഭിനന്ദനങ്ങള്‍

ഞാന്‍ പുണ്യവാളന്‍ said...

സന്തോഷം സന്മനസ് കാട്ടിയ എല്ലാ നല്ല മനസുകള്‍ക്കും സ്നേഹാശംസകള്‍ മണ്‍സൂണ്‍ മധു
http://njanpunyavalan.blogspot.com