Tuesday, November 29, 2011

മുല്ലപ്പെരിയാർ: രാഷ്ട്രീയപാർട്ടികൾ ഉണർന്നുവരുന്നു

മുല്ലപ്പെരിയാർ: രാഷ്ട്രീയപാർട്ടികൾ ഉണർന്നുവരുന്നു

മുല്ലപ്പെരിയാർ വിഷയത്തിൽ നമ്മുടെ രാഷ്ട്രീയക്കാരുടെ പ്രതികരണങ്ങളിൽ തൃപ്തിയില്ലാതെ ഇതിനു തൊട്ടു മുമ്പ് ഞാൻ ഒരു പോസ്റ്റ് എഴുതിയിരുന്നു. വിഷയത്തിന്റെ ഗൌരവത്തിനൊപ്പം രാഷ്ട്രീയ പാർട്ടികൾ ഉണർന്നു പ്രവർത്തിക്കുന്നില്ലാ എന്നൊരു തോന്നൽ ഉണ്ടായതിനലാണ് അങ്ങനെയൊരു പോസ്റ്റിട്ടത്. അതായത് എല്ല്ലാവർക്കും ഒരു തണുപ്പൻ പ്രതികരണം. പരസ്പരം പഴിചാരിയും സ്വന്തം ഉത്തരവാദിത്തങ്ങളിൽ നിന്ന് ഒഴിഞ്ഞുമാറിയും ഉള്ള ചില പതിവ് അഴകൊഴാഞ്ചത്തരങ്ങൾ. ജീവഭയം കൊണ്ട് ആളുകൾ നിൽകവിളിക്കുന്നത് വേണ്ടത്ര കേൾക്കാത്തതുപോലെ.

എന്നാൽ ഇപ്പോൾ സ്ഥിതിഗതികളിൽ കാര്യമായ മാറ്റം ഉണ്ടായിരിക്കുന്നു. ഓരോ പാർട്ടികളും തങ്ങളുടേതായ രീതിയിൽ പ്രതികരിച്ചു തുടങ്ങിയിരിക്കുന്നു. പാർളമെന്റിനു മുന്നിൽ രാഷ്ട്രീയം മറന്ന് എം.പി മാർ ധർണ്ണ നടത്തി. കേരളത്തിൽ നിന്നുള്ള കേന്ദ്രമന്ത്രിമാരും ആ സമരത്തെ അഭിവാദ്യം ചെയ്തു. ഈ വിഷയത്തിൽ അവർക്ക് വഹിക്കാനുള്ള പങ്ക് യഥാവിഥി നിറവേറ്റാനുള്ള ചെറിയൊരു സ്പിരിറ്റ് അതിൽ നിന്ന് ലഭിച്ചിട്ടുണ്ടെന്ന് തോന്നിപ്പിക്കുന്ന ചില നീക്കങ്ങൾ ഉണ്ടായിട്ടുണ്ട്. ഇപ്പോൾ ശ്രദ്ധാർഹമായ ചില ചലനങ്ങളൊക്കെ ഉണ്ടായിരിക്കുന്നു എന്ന് പറയാം. ഒന്ന് ആളിക്കത്തിയിട്ടുണ്ട്. ഇനിയത് കെടരുത്. കാരണം പ്രതീക്ഷിക്കുന്ന ഫലം കാണാൻ ഇതുവരെയുള്ള ശ്രമങ്ങൾ കൊണ്ടുമാത്രം കഴിയുകയില്ല. ഇനിയും ഇക്കാര്യത്തിൽ ശക്തമായ മുന്നേറ്റം നടത്തേണ്ടതുണ്ട്.

ഇനി കാലാവസ്ഥയൊക്കെ ഒന്നു മാറി ഡാമിലെ ജല നിരപ്പെല്ലാം താഴ്ന്ന്, ഭൂകമ്പ ഭീഷണിയൊക്കെ തെല്ലൊന്നകന്നു നിൽക്കാൻ തുടങ്ങുമ്പോഴേയ്ക്കും എല്ലാവരും തണുക്കാതിരുന്നാൽ മതി. കാരണം ഇനിയും മഴവരും. ജലനിരപ്പുയരും. ഭൂകമ്പം എപ്പോൾ വരുമെന്ന് ആർക്കും പറയാനുമാകില്ല. ഇപ്പോൾ ഈ കാര്യത്തിൽ ഉചിതമായ തീരുമാനങ്ങളിലും പരിഹാര നടപടികളിലും എത്തിച്ചേരാം കഴിഞ്ഞാൽ കഴിഞ്ഞു. ചെയ്യേണ്ടത് ചെയ്യേണ്ട സമയത്ത് ചെയ്യേണ്ട രീതിയിൽ ചെയ്യാനുള്ള ഇച്ഛാശക്തിയുണ്ടാകണം. കേരളത്തിൽ ഉദ്ഭവിച്ച് കേരളത്തിന്റെ കടലിൽ വിലയം പ്രാപിക്കുന്ന ഒരു നദിയിലെ വെള്ളം തടഞ്ഞ് കേരളത്തിന്റെ മണ്ണിൽ പുതിയ ഡാം പണിയാൻ തമിഴ്നാട്ടുക്കാർക്കെതിരെ പ്രക്ഷോഭം നടത്തിയിട്ടെന്തു കാര്യം? ഇക്കാര്യത്തിൽ അവരുടെ അനുവാദം നമുക്ക് ആവശ്യമില്ലല്ലോ! നമുക്ക് കാശ് കണ്ടെത്തണമെന്നേയുള്ളൂ.

ജനങ്ങളുടെ ഭീതിയും ഉൽക്കണ്ഠകളും അകലാൻ എന്നും വിവിധ സമര രൂപങ്ങൾ മാറി മാറി പരീക്ഷിച്ചുകൊണ്ടിരുന്നാൽ മാത്രം പോരാ.ഭരണപക്ഷവും പ്രതിപക്ഷവും എല്ലാംകൂടി സമരം ചെയ്യുമ്പോൾ സമരം ആർക്കെതിരെ എന്ന ചോദ്യവും ഉയർന്നുവരുന്നു. നടപടികൾ കൈക്കൊള്ളേണ്ടവർകൂടി സരമക്കാരോടൊപ്പം കൂടിയതുകൊണ്ടു മാത്രം പ്രശ്നപരിഹാരമാകില്ല. ഇനി പ്രശ്നപരിഹാരത്തിനുള്ള കർമ്മ പരിപാടികൾ തയ്യാറാക്കാൻ എല്ലാവരും കൈകോർക്കുകയാണു വേണ്ടത്. ഭരണക്കാർ അവരുടെ ഉത്തരവാദിത്തം ഗൌരവപൂർവ്വം ഉൾക്കൊള്ളുകയും വേണം. അതിനുള്ള സമരേതരമായ സമ്മർദ്ദങ്ങൾ കൂടി ഭരണാനുകൂല സംഘടനകളിൽ നിന്നും ഉണ്ടാകേണ്ടതുമുണ്ട്.

ഈ വിഷയത്തിൽ തൊട്ടുമുമ്പ് എഴുതിയ പോസ്റ്റ് ഈ ലിങ്കിലുണ്ട്
മുല്ലപ്പെരിയാറും രാഷ്ട്രീയ പാർട്ടികളും

4 comments:

ഞാന്‍ പുണ്യവാളന്‍ said...

ഇതാണ് ഇതാണ് ഇതാണ് അവസരം ഇന്നി ഒരു അവസരം കൂടി കിട്ടി കൊള്ളണം എന്നില്ല ഇത്തിലൂടെ നേടേണ്ടത് നേടിയെടുത്തെ മതിയാവു ഇനിയും ഒഴിഞ്ഞു മറാന്‍ ഒരു രാഷ്ട്രിയ പാര്‍ടിക്കും ആവില്ല സോദരാ ...

നമ്മൂടെ നാടിനു വേണ്ടി പ്രിയപ്പെട്ടവര്‍ക്ക് വേണ്ടി എന്റെ ലേഖനം : നാടിനെ രാഷ്ട്രിയ ദുരന്തം മാടി വിളിക്കുമ്പോള്‍

സത്യാന്വേഷി said...

മുല്ലപ്പെരിയാറില്‍ പുതിയ ഡാം വേണമെന്നത് മാധ്യമങ്ങളും രാഷ്ട്രീയക്കാരും കൂടി ജനങ്ങളില്‍ അടിച്ചേല്പിക്കുന്ന താത്പര്യമാണ്.(വെറുതെയാണോ പി ജെ ജോസഫും മറ്റും കച്ചകെട്ടിയിറങ്ങിയിരിക്കുന്നത്? ഡാം പണിയില്‍ മറിയുന്ന കോടികളെപ്പറ്റിയോര്‍ത്താല്‍ വായില്‍ വെള്ളമൂറാത്ത മന്ത്രിമാരോ രാഷ്ട്രീയക്കാരോ ഉണ്ടാകുമോ?) മാധ്യമങ്ങളുടെ പ്രചണ്ഡപ്രചാരണത്തിന്‍റെ ഫലമായാണ് ഈ വിഷയത്തില്‍ നടക്കുന്ന സംവാദങ്ങളില്‍ 99 ശതമാനം പേരും പുതിയ ഡാമിനായി സമ്മതം മൂളുന്നത്. ഭൂകമ്പമേഖലയായ അവിടെ ഇപ്പോളുള്ളതിനേക്കാള്‍ കൂടുതല്‍ കപ്പാസിറ്റിയുള്ള പുതിയ ഡാം പണിയണമെന്ന ആവശ്യം ആരുടെ താത്പര്യമാണു സംരക്ഷിക്കുന്നത്? തീര്‍ച്ചയായും അവിടത്തെ ജനങ്ങളുടെയല്ല. തമിഴ്നാടുമായുള്ള കരാറാണോ ജനങ്ങളുടെ ജീവനാണോ സര്‍ക്കാരിനു(കോടതിക്കും) മുന്‍ഗണനാ വിഷയമാകേണ്ടത്? ഇപ്പോള്‍ ഇത്ര അപകടാവസ്ഥയുണ്ടെന്നു പറയുമ്പോള്‍പ്പോലും വള്ളക്കടവിലോ വണ്ടിപ്പെരിയാറ്റിലോ ചപ്പാത്തിലോ ഉള്ളവരെപ്പോലും മാറ്റിപ്പാര്‍പ്പിക്കാതെ എന്ത് അപകടനിവാരണ പരിപാടിയാണു സര്‍ക്കാര്‍ ചെയ്യുന്നത്? ഇനി ഡാം കെട്ടുകയാണെന്നുവന്നാലും അതു തീരാനായി ചുരുങ്ങിയത് അഞ്ചുവര്‍ഷമെങ്കിലും വേണ്ടിവരും. അതുവരെ അവിടെയുള്ളവരുടെ സുരക്ഷ ആരു് ഉറപ്പാക്കും ?

കൊമ്പന്‍ said...

ഇപ്പോള്‍ ഉള്ള ഇവരുടെ ഉണര്‍ച്ച ജനത്തെ പേടിച്ചാണ് എന്നാണു എന്റെ സംശയം

ജയരാജ്‌മുരുക്കുംപുഴ said...

kalika prasaktham..... PLS VISIT MY BLOG AND SUPPORT A SERIOUS ISSUE...........